សេដ្ឋីម្នាក់បើករថយន្តទំនើប ហួសល្បឿន បណ្តាលអោយគ្រោះថ្នាក់ ស្លាប់នៅនឹងកន្លែងកើតហេតុ

បុរសម្នាក់ដែលគេបានអះអាងថា ជាសេដ្ឋីម្នាក់ដែលមានប្រាក់កាសយ៉ាងច្រើន បានបាត់បង់ជីវិតនៅក្នុងហេតុការណ៍គ្រោះថ្នាក់ ចរាចរណ៍មួយដ៏រន្ធត់កាលពីពេលថ្មីៗ នេះដែលបានបណ្តាលអោយ អ្នករួមដំណើរជាមួយគាត់ម្នាក់ទៀតរងរបួសផងដែរ ចំនែកឯរថយន្តទំនើបរបស់គាត់វិញ ត្រូវបានខ្ទេចខ្ទីយ៉ាងដំណំ។

ដោយយោងទៅតាមគេហៈទំព័រ dailymail របស់ប្រទេសអង់គ្លេស ចុះផ្សាយកាលពីថ្ងៃទី ២០ ខែសីហា ឆ្នាំ ២០១២ បានអោយដឹងថា លោក William Baranos អាយុជាង ៥០ ឆ្នាំ ដែលជាសេដ្ឋីនៅឯប្រទេសអីតាលី បានបាត់បង់ជីវិត បន្ទាប់ពីគាត់បានបើករថយន្តទំនើប តំលៃ ៥ សែនផោន (ប្រហែល ៧៨៥ ៤៥០ ដុល្លាអាមេរិច) ក្នុងល្បឿន ដល់ទៅ ៣២១ គីឡូម៉ែត្រក្នុងមួយម៉ោងឯណោះ។ គួរបញ្ជាក់ផងដែរថា សាកសពរបស់គាត់ត្រូវបានរកឃើញនៅចំងាយ ប្រហែល ៣ ម៉ែត្រពីកន្លែងកើតហេតុ ដូច្នេះហើយ ប៉ូលិសបានសន្និដ្ឋានថា គាត់មិនបានពាក់ខ្សែក្រវ៉ាត់នោះទេ រីឯ អ្នករួមដំណើរជាមួយគាត់ ត្រូវបានគេបញ្ចូននៅកាន់មន្ទីរពេទ្យ។

- រថយន្តទំនើបរបស់ជនរងគ្រោះ ៖

- ភរិយារបស់ជនរងគ្រោះ ៖

ដោយ ៖ អម្រិត

ខ្មែរឡូត

សូមប្រិយមិត្តជួយចុច add comment ដើម្បីបញ្ចេញមតិ។