ខេត្តកំពង់ធំ ៖ បើតាមអ្នកឆ្លើយឆ្លងព័ត៌មានកោះសន្តិភាពបានឲ្យដឹងជំហានដំបូងមកថា បុរសម្នាក់បានវាយ និងកាប់ប្រពន្ឋស្លាប់ ភ្លាមៗ រួចដុតផ្ទះចោលនិងធ្វើអត្តឃាតចង.កសម្លាប់ខ្លួនតាមក្រោយ ។
ហេតុការណ៍នេះ បានបង្កឲ្យមានការភ្ញាក់ផ្អើលនៅវេលាម៉ោងជាង២ទៀបភ្លឺឈានចូលថ្ងៃទី១៨ មេសា ២០១៦ នៅក្នុងភូមិបឹង ឃុំមានរិទ្ឋ ស្រុកសណ្តាន់ ។
សេចក្តីរាយការណ៍បានបន្តថា ជនសង្ស័យឈ្មោះ កេត ថាញ់ អាយុ៤២ឆាំ្ន មុខរបរស៊ីឈ្នួលកាប់ឈើ រីឯប្រពន្ឋដែលត្រូវជននេះកាប់ ត្រូវគល់កខាងក្រោយ គុំត្រចៀកខាងឆ្វេង និងចំចិញ្ចើម ហើយស្លាប់នោះឈ្មោះ វ៉ន សាំ អាយុ៣៥ឆ្នាំ ទាំងពីរនាក់រស់នៅក្នុងភូមិសំរិទ្ឋ ឃុំសំបូរ ស្រុកប្រាសាទសំបូរ ។
បើតាមសមត្ថកិច្ចមូលដ្ឋាន ករណីឃាតកម្មនេះផ្តើមចេញពីការឈ្លោះ ទាស់ទែងគ្នាក្នុងគ្រួសារ ហើយពីរនាក់ប្តីប្រពន្ធ ដែលពុំទាន់មានកូននេះ ត្រូវអ្នកភូមិជិតខាងអះអាងថាតែងឃើញផឹកស្រាស្រវឹង និងឈ្លោះប្រកែកគ្នាជាប្រចាំ ៕
ប្រភព៖ កោះសន្ដិភាព
ការចាប់អារម្មណ៍របស់ខ្មែរឡូត៖
អ្វីដែលចាប់អារម្មណ៍កាលពីក្នុងឱកាសបុណ្យចូលឆ្នាំខ្មែរនេះថ្ងៃទី១៥ ខែ មេសា ឆ្នាំ២០១៦នៅភូមិក្បាលថ្នល់ ឃុំផ្សារ ស្រុកបរិបូរណ៍ ខេត្ដកំពង់ឆ្នាំង ដែលទើបតែកន្លងផុតទៅមុននេះ ក៏មានហេតុការណ៍ឈ្លោះគ្នា រវាងប្ដីប្រពន្ធ ដែលបុរសជាប្តីដោយសារតែខឹងនឹងប្រពន្ធមិនព្រមមកផ្ទះ ក៏បានយកភ្លើងដុតផ្ទះខ្លួនឯង ដែលជាប់គ្នា និងផ្ទះម្តាយក្មេក បណ្តាលអោយឆេះខ្ទេច ទាំង២ខ្នង មិនអាចជួយបានឡើយ ។
សមត្ថកិច្ចនគរបាលមូលដ្ឋានបានអោយដឹងថា ជនសង្ស័យដុតផ្ទះខ្លួនឯង និងផ្ទះម្តាយក្មេក មានឈ្មោះ អ៊ុក ភន អាយុ៣៤ឆ្នាំ ម្តាយក្មេកមានឈ្មោះ ប៉ិក តុំ អាយុ៧១ឆ្នាំ ជាស្ត្រីមេម៉ាយ ។
ជនដៃដល់បានដុតផ្ទះខ្លួនឯង ជាផ្ទះតូចមានទំហំ៣គុណនិង៤ម៉ែត្រ ធ្វើពីឈើប្រក់ និងបាំងជញ្ជាំងស្លឹក ដែលសង់ជាប់គ្នាជាមួយផ្ទះម្តាយក្មេក មានទំហំ៥គុណនិង៦ម៉ែត្រ ធ្វើពីឈើ ប្រក់និងបាំងជញ្ជាំងស្លឹក បណ្តាលអោយ ឆេះខ្ទេចទាំងស្រុងទាំងពីខ្នងតែម្តង ។
បើតាមសំដីរបស់ស្ត្រីជាម្តាយក្មេកបានអោយដឹងថា កូនស្រីគាត់ឈ្មោះ ថ្លាង សុគង់ អាយុ៣១ឆ្នាំ បានទៅធ្វើការនៅរោងចក្រ នៅខេត្តសៀមរាប ។
មុនពេលកើតហេតុប៉ុន្មានថ្ងៃនេះ គាត់ឃើញកូនប្រសារគាត់ បានឈ្លោះគ្នាជាមួយកូនស្រីគាត់ដែលត្រូវជាប្រពន្ធ តាមទូរសព្ទ័ស្ទើររាល់យប់ ហើយឮកូនប្រសារថា ចូលឆ្នាំនេះត្រូវមកផ្ទះ បើមិនមកទេ នឹងមានរឿងហើយ ។
លុះដល់ពេលចូលឆ្នាំ មិនឃើញកូនស្រីគាត់មកផ្ទះ កូនប្រសារគាត់បានដុតផ្ទះវា ឆេះរាលដល់ផ្ទះគាត់ឆេះខ្ទេច រូមទាំងទ្រព្យសម្បត្តិគាត់មួយចំនូនផង គ្មានយកអ្វីបានឡើយ ។
ស្ត្រីជាម្តាយបានបានបញ្ជាក់ថា ក្រៅពីខឹងនឹងប្រពន្ឋមិនមកផ្ទះ កូនប្រសារគាត់ក៏បានប្រចណ្ឌប្រពន្ឋវាផងដែរ តែអ្វីដែលធ្ងន់ជាងនេះទៀត គឺផ្ទះមួយខ្នង ដែលកូនប្រសារដុតនោះ គាត់បានលក់អោយគេ ក្នុងតម្លៃ៤លានរៀល និងបានយកប្រាក់ពីគេរួចហើយ រង់ចាំតែគេមករុះយកតែប៉ុណ្ណោះ ។
បើតាមសំដីអ្នកជិតខាងបានអោយដឹងថា ប្តីប្រពន្ឋពីរនាក់នេះ មិនសូវត្រូវគ្នាប៉ុន្មានទេ ឈ្លោះគ្នាញឹកញាប់ណាស់ ពេលដែលប្រពន្ឋមិនទាន់ចេញទៅធ្វើការនៅរោងចក្រ ហើយបើទោះជាខឹងគ្នាយ៉ាងណាក្នុងឱកាសបុណ្យចូលឆ្នាំនេះគួរតែមកមើលម្តាយ និងប្តីដែរ ។
ទោះយ៉ាងណាក្រោយកើតហេតុ សត្ថកិច្ចបានចាប់ឃាត់ខ្លួនបុរសជាប្តី ដើម្បីកសាងសំណុំរឿងតាមផ្លូវចាប់ ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]