ដកក្រចកក្មេងមិនគ្រប់អាយុ ដោយសារមិនព្រមធ្វើជាស្រីលក់ខ្លួន

កាលពីថ្មីៗនេះ មាននារីវ័យក្មេង ៤នាក់មកពីខេត្ត Henan អាយុប្រហែល ១៩ឆ្នាំ  ត្រូវបានចាប់ខ្លួនដោយ ប៉ូលីសក្នុងទីក្រុង Heyuan  ភាគអាគ្នេយ៍ប្រទេសចិន បន្ទាប់ពីពួកគេបានបង្ខំអោយក្មេងមិនទាន់គ្រប់អាយុ ២នាក់ធ្វើជាស្រីលក់ខ្លួន។

យោងទៅតាមប៉ូលីសក្នុងតំបន់ Heyuan បានអោយដឹងថា មានក្មេងស្រីអាយុ ១៣ឆ្នាំម្នាក់ដែលមានអាការៈភិតភ័យ បានរត់មកក្នុងប៉ុស្តិប៉ូលីស។​ នាងបានយំ​ និងនិយាយថា នាងត្រូវបានគេបង្ខំអោយធ្វើជា ស្រីលក់ខ្លួន ហើយនាងទើបតែរត់ចេញពីការចាប់ជំរិត។

តាមសេចក្តីរាយការណ៍ ប៉ូលីសបានចាប់ផ្តើមស្វែងរកចាប់ខ្លួនជនសង្ស័យ នៅឯកន្លែងដែលជនរងគ្រោះ ត្រូវបានគេបង្ខាំងទុកខុសច្បាប់ និង ចាប់បានជនទាំង៤នាក់ដែលបំរុងរត់គេចខ្លួនជាមួយវ៉ាលីរបស់ពួកគេ។

ជនរងគ្រោះបាននិយាយថា ជនសង្ស័យដែលបានចាប់ខ្លួនទាំង៤នាក់ បានធ្វើទារុណកម្មនាង ដោយចាប់ ពួកនាងចង ទាញក្រចក ស្រោចទឹកក្តៅលើពួកនាង និងបានប្រើវិធីព្រៃផ្សៃផ្សេងទៀត​ បើសិនជាពួកនាងមិនព្រមសហការជាមួយពួកគេ។

ដោយ នីតា