រាជធានីភ្នំពេញ៖ បុរសជនជាតិអល្លឺម៉ង់ម្នាក់ បានដេកស្លាប់គ្មានអ្នកដឹងរហូតដល់ធំក្លិនស្អុយ ទើបត្រូវបាន គេប្រទះឃើញ ដេកស្លាប់ផ្កាប់មុខនៅ ក្នុងបន្ទប់ស្នាក់នៅរបស់ខ្លួន បង្កឲ្យមានការភ្ញាក់ផ្អើល យ៉ាងខ្លាំង កាលពីវេលាថ្ងៃត្រង់ថ្ងៃទី០៨ ខែកុម្ភ: ឆ្នាំ២០១៦ នៅក្នុងវិទ្យាស្ថានជាតិ ពហុបច្ចេកទេសកម្ពុជា ហៅសាលាកូរ៉េ ដែលមានទីតាំងស្ថិតនៅ តាមផ្លូវទំនប់កប់ស្រូវ ភូមិស្រែរាជ្ជៈសង្កាត់សំរោងក្រោម ខណ្ឌពោធិ៍សែនជ័យ ។
បុរសនោះត្រូវបានគេស្គាល់ឈ្មោះ NORBERT FREDE ជនជាតិអាល្លឺម៉ង់អាយុ៦២ឆ្នាំ ជាគ្រូបង្រៀន ស្នាក់នៅក្នុងវិទ្យាស្ថានខាងលើ ហើយតាមការសន្និដ្ឋាន បុរសបានស្លាប់រយៈពេល ៣ថ្ងៃកន្លងមកហើយ ព្រោះសាកសពមានសភាពហើមស្អុយទៅហើយ។តាមប្រភពព័ត៌មានបានឲ្យដឹងថា មិនមាននរណាម្នាក់ បានដឹងថាបុរសនោះស្លាប់ដោយសារអ្វីនោះទេ ព្រោះគាត់ស្នាក់នៅក្នុង បន្ទប់នោះម្នាក់ឯងគ្មានអ្នកនៅ ជាមួយនោះឡើយ ប៉ុន្តែកាលពីវេលាម៉ោងប្រមាណជាង៩ព្រឹក ថ្ងៃទី០៥ខែកុម្ភ: ឆ្នាំ២០១៦ ប៉ុន្មានថ្ងៃមុននេះ គេបានឃើញគាត់ ដើរចូលទៅក្នុងសាលាខាងលើ ។
ខណៈនោះស្ថិតក្នុងសភាពទ្រុឌទ្រោមដោយមិនដឹងថាគាត់មិនស្រួលខ្លួនឬក៏ស្រវឹងស្រានោះឡើយ ព្រោះគាត់មិនបានប្រាប់ នរណាម្នាក់ទេបន្ទាប់មក គាត់បានដើរចូលទៅបន្ទប់ ដែលគាត់ស្នាក់នៅ បាត់រហូត ហើយក៏គ្មានអ្នកណាចាប់អារម្មណ៍ នោះគាត់ឡើយ។ ប្រភពដដែលបានបន្តថា ចាប់តាំងពីពេលនោះមក មិនដែលឃើញគាត់ចេញទៅហូបបាយសោះ ហើយក៏គ្មាននរណាម្នាក់ បានទៅមើលឬហៅគាត់ឡើយ ព្រោះស្មានថាគាត់មានការចេញទៅក្រៅលុះ៣ថ្ងៃក្រោយមក រហូតដល់វេលាថ្ងៃត្រង់ ថ្ងៃទី០៨ ខែមករា ទើបគេប្រទះឃើញ ដេកស្លាប់ផ្កាប់មុខ ។
ដែលខណៈនោះដឹងតាមរយៈការធំក្លិនស្អុយ ចម្លែកខុសធម្មតាចេញពីបន្ទប់ដេក ក៏បានទៅបើកទ្វារ មើលទើបឃើញសាកសពនោះ។ ក្រោយពេលកើតហេតុ កម្លាំងប៉ូលីសការិយាល័យ បច្ចេកទេសនៃ ស្នងការដ្ឋាននគរបាល រាជធានីភ្នំពេញបានចុះទៅពិនិត្យ និងធ្វើកោសល្យវិច័យភ្លាមៗ ប៉ុន្តែមិនទាន់បានបង្ហើប ឲ្យដឹងពីមូលហេតុនៃការស្លាប់នោះឡើយ បន្ទាប់មកបាននាំយក សាកសពទៅតម្កល់នៅ វត្តស្ទឹងមានជ័យ រង់ចាំបញ្ជូនទៅកាន់ប្រទេសកំណើតវិញ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]