ខេត្តព្រះសីហនុ ៖ ស្ត្រីវៀតណាមម្នាក់ ត្រូវបានកម្លាំងប៉ុស្តិ៍រដ្ឋបាលលេខ៤ ឃាត់ខ្លួននាំទៅអធិការដ្ឋាន នគរបាលក្រុងព្រះសីហនុ បន្ទាប់ពីទទួលបាន បណ្តឹងផ្ទាល់មាត់ពីឪពុកម្តាយកុមារម្ចាស់ ខ្សែ.កពាក់ព័ន្ឋករណីចោរកម្ម កាលពីវេលាម៉ោង ៩យប់ថ្ងៃទី៧ កុម្ភៈ ស្ថិតនៅភូមិ៥ សង្កាត់លេខ៤ ក្រុងព្រះសីហនុ ។
លោក លុយ ហាំង នាយប៉ុស្តិ៍រដ្ឋបាលលេខ៤ បានឱ្យដឹងថា ក្រោយពីទទួលពាក្យបណ្តឹងផ្ទាល់ មាត់ពីលោក ស៊ុន វិបុល អាយុ២៧ឆ្នាំ ត្រូវជាឪពុក និងលោកស្រី ឈ្មោះ អ៊ូ សុខា អាយុ២១ឆ្នាំ ត្រូវជាម្តាយកុមាររងគ្រោះ ឈ្មោះ អឿន វរៈបុទ្រ អាយុ១ឆ្នាំ ភេទប្រុស មានទីលំនៅផ្ទះជួលក្រុម៤៨ ភូមិ៥ សង្កាត់លេខ៤ ។ លោកបានចុះ ទៅដល់កន្លែងកើតហេតុភ្លាមៗ និងបានឃាត់ខ្លួន ស្ត្រីជាប់ចោទម្នាក់ ឈ្មោះ មុំ ថាវី អាយុ៥១ឆ្នាំ ជាជនជាតិវៀតណាម មានទីលំនៅក្បែរកន្លែងកើតហេតុ បញ្ជូនទៅកាន់អធិការដ្ឋាន នគរបាលក្រុងព្រះសីហនុ ដើម្បីសាកសួរ ។
លោក ស៊ុន វិបុល ត្រូវជាឪពុក បានរៀបរាប់ថា មុនពេលកើតហេតុ ស្ត្រីសង្ស័យបានមក ទិញស្រាបៀរមួយ កំប៉ុងនៅតូបមុខផ្ទះ បានហុចលុយ ២០ដុល្លារឱ្យគាត់អាប់ ប៉ុន្តែពេលគាត់រវល់ យកលុយមកអាប់ឱ្យ ស្រាប់តែជនសង្ស័យដើរ ទៅក្រោយតូបធ្វើសកម្មភាពឆក់ខ្សែ.ក កូនប្រុសគាត់ ដែលកំពុងដេកនៅក្នុងអង្រឹង តែត្រូវបានអ្នកជិតខាងឃើញទាន់បាន ស្រែកឆោឡោឡើង ទើបធ្វើឱ្យជនសង្ស័យភ័យ ស្លន់ស្លោរត់គេចខ្លួនទៅ កាន់ផ្ទះជួលក្បែរនោះ ។ ហើយគាត់ក៏បាន ទូរស័ព្ទទៅលោកនាយ ប៉ុស្តិ៍មកជួយអន្តរាគមន៍ និងឃាត់ខ្លួនតែម្តង ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]