រាជធានីភ្នំពេញ ៖ បុរសម្នាក់ជាបុគ្គលិកនៅក្នុងក្រុមហ៊ុនយូ ខេន វិន បានលួចចូលទៅក្នុងបន្ទប់របស់នារីម្នាក់ ដែលធ្វើការជាមួយគ្នា ហើយបានចាប់ស្រាតខោអាវលូកប្រដាប់ភេទនារីរងគ្រោះ និងបានគំរាមមិនឱ្យនារីរងគ្រោះ ស្រែកប្រាប់អ្នកដទៃ រួចហើយធ្វើសកម្មភាពរំលោភសេពសន្ថវៈយ៉ាងតក់ក្រហល់បំផុត ប៉ុន្តែក្រោយមក ត្រូវសមត្ថកិច្ចឃាត់ខ្លួនបញ្ជូនទៅ តុលាការយោងទៅតាមពាក្យបណ្តឹងភាគីរង គ្រោះ ។
ហេតុការណ៍ឃាត់ខ្លួននេះ បានកើតឡើងកាលពីល្ងាចថ្ងៃទី១១ សីហា ២០១២ នៅក្នុងបន្ទប់ក្រុមហ៊ុន យូ ខេន វិន ស្ថិតនៅផ្ទះលេខ១៧៤ សង្កាត់ទួលទំពូងទី២ ខណ្ឌចំការមន ។ បើតាមប្រភពព័ត៌មានពីនគរបាលខណ្ឌចំការមនបានឱ្យដឹងថា ជនសង្ស័យដែលឃាត់ខ្លួនខាងលើនេះ មានឈ្មោះខន តុងអ៊ាង អាយុ២៦ឆ្នាំ ស្នាក់នៅផ្ទះជួលគ្មានលេខ ផ្លូវលំភូមិសន្សំកុសល សង្កាត់បឹងទំពុន ខណ្ឌមានជ័យ មុខរបរជំនួយការនាយកក្រុម ហ៊ុនយូ ខេន វិន គ្រុប ។ ចំណែកនារីរងគ្រោះឈ្មោះអួន សុផល្លី អាយុ១៩ឆ្នាំ ស្នាក់នៅក្នុងក្រុមហ៊ុនខាងលើនេះ ។
យោងតាមចម្លើយដែលសមត្ថកិច្ចសួរទៅរងគ្រោះនោះបានឱ្យដឹងថា មុនពេលឈានដល់ការចាប់នារីរងគ្រោះរំលោភ និងលូកប្រដាប់ភេទខាងលើនេះ គឺនាងរងគ្រោះបាននៅក្នុងបន្ទប់ម្នាក់ឯង ដោយមិនបានចាប់អារម្មណ៍ថា ជនសង្ស័យចូលមកនោះទេ ស្រាប់តែពេលនោះ ជនមកចាប់អោបរឹត ច្របាច់សាច់នារីរងគ្រោះតាមតែអំពើចិត្ត ដោយនារីរងគ្រោះមិនហ៊ានស្រែកនោះទេ ព្រោះខ្លាចជនសង្ស័យធ្វើបាបកាន់តែខ្លាំង ។ ក្រោយពីអោបរឹតធ្វើឱ្យមានអារម្មណ៍ហើយនោះ ជនសង្ស័យកាន់តែព្រហើនចាប់ ស្រាតខោនារីរងគ្រោះត្រឹមភ្លៅ រួចយកម្រាដៃទៅលូកប្រដាប់ភេទនារីទៅតាមចំណង់ចិត្តរបស់គេ ។
បន្ទាប់ពីរំលោភអស់អារម្មណ៍របស់គេហើយនោះ ជនសង្ស័យបានដើរចេញពីក្នុងបន្ទប់ និងបានប្រាប់ទៅនារីរងគ្រោះថា បើរឿងនេះដឹងដល់អ្នកដទៃ យើងមានបញ្ហាធ្ងន់ជាមិនខាន ។ សកម្មភាពខាងលើនេះ បានកើតឡើងតាំងពីថ្ងៃទី៤ សីហា មកម្ល៉េះ ប៉ុន្តែប៉ុន្មានថ្ងៃក្រោយមក ទើបនារីរងគ្រោះដាច់ចិត្តប្រាប់បុគ្គលិកនៅក្នុងក្រុមហ៊ុនឱ្យជួយចាប់ខ្លួនបុរសនេះ យកមកប្រគល់ជូនសមត្ថកិច្ច ដើម្បីប្តឹងពីបទ រំលោភ និងគំរាម ។ ភ្លាមៗនោះ ក្រុមបុគ្គលិកបានឃាត់ខ្លួនជនសង្ស័យឈ្មោះខន តុងអ៊ាង យកទៅប្រគល់ជូនសមត្ថកិច្ចខណ្ឌចំការមន ដើម្បីធ្វើការសាកសួរផ្តន្ទាទោសទៅតាមនីតិវិធី។ បច្ចុប្បន្នជនសង្ស័យកំពុងឃុំខ្លួននៅក្នុងអធិការដ្ឋានខណ្ឌចំការមនរង់ចាំកសាងសំណុំរឿងបញ្ជូនទៅតុលាការ ៕
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
