ប្រទះឃើញ ក្មេងស្រីម្នាក់ ដេកស្លាប់នៅមាត់ទន្លេ ទាំងអាក្រាតកាយ
ភ្នំពេញ៖ មានការភ្ញាក់ផ្អើលមួយ បានកើតឡើង នៅវេលាម៉ោងប្រមាណ ១១យប់ ថ្ងៃទី៧ ខែកុម្ភៈ ឆ្នាំ២០១៦នេះ ដោយប្រជាពលរដ្ឋ បានប្រទះឃើញ សពក្មេងស្រីម្នាក់ ទាំងអាក្រាតកាយ តាមជួរមាត់ទន្លេ ខាងក្រោយ វត្តចាក់អង្រែក្រោម ក្នុងភូមិទូលរកា សង្កាត់ចាក់អង្រែក្រោម ខណ្ឌមានជ័យ ។
លោក តេង ស៊ីណូ អធិការនគរបាល ខណ្ឌមានជ័យ បានអោយដឹងថា ក្រោយការធ្វើកោសល្យវិច្ច័យរបស់ នគរបាលបច្ចេកទេស បានសន្និដ្ឋាន ទៅលើសពជាក្មេងស្រីរងគ្រោះ សពអាយុប្រមាណ ១៤-១៥ឆ្នាំ ត្រូវជនដៃដល់អាចរំលោភ ហើយសម្លាប់ចោល ដោយសារតែនៅលើសពមាន តែអាវយឺតមួយប៉ុណ្ណោះ ហើយអាក្រាតកាយល្វែងខាងក្រោម ។
លោកបានបញ្ជាក់ថា នៅពេលនេះកម្លាំង នគរបាលរបស់លោក កំពុងធ្វើការស្រាវជ្រាវ យ៉ាងយកចិត្តទុកដាក់ ដើម្បីតាមចាប់ជនល្មើស យកមក ផ្តន្ទាទោសតាមច្បាប់៕
ផ្តល់សិទ្ធដោយ ដើមអម្ពិល
ព័ត៌មានបន្ថែមពី កោះសន្ដិភាព
រាជធានីភ្នំពេញ ៖ ថ្ងៃចូលឆ្នាំចិនក្មេងស្រីអាយុ១៥ឆ្នាំម្នាក់ទៅលេងផ្ទះឪពុកមា ក៏ត្រូវជនដៃដល់មាន គ្នា៣នាក់ល្បួងទៅលេង វាលខ្សាច់ក្រោយវត្តចាក់អង្រែ ចាប់រំលោភបូក ហើយវាយសម្លាប់ បណ្តែតទឹកទន្លេបាសាក់ បង្កឱ្យភ្ញាក់ផ្អើលកាលពីវេលា ម៉ោង០៨ និង៣៥នាទីយប់ថ្ងៃទី៧ កុម្ភៈ ស្ថិតនៅវាលខ្សាច់ក្រោយ វត្តចាក់អង្រែ ក្នុងភូមិគោករការ ផ្លូវជាតិលេខ២ សង្កាត់ចាក់អង្រែក្រោម ខណ្ឌមានជ័យ ។
ប្រភពឱ្យដឹងថា ក្មេងស្រីមានអាយុ១៥ឆ្នាំ ជាជនជាតិវៀតណម ស្នាក់នៅភូមិព្រៃទា សង្កាត់ចោមចៅ ខណ្ឌពោធិ៍សែនជ័យ មានបងប្អូន៣នាក់ (ស្រី២) ក្មេងស្រីរងគ្រោះ ជាកូនទី២ ។
តាមប្រភពពត័មានពីកន្លែងហេតុឱ្យដឹងថា កន្លងមកក្មេងស្រីរងគ្រោះឧស្សាហ៍មកលេងផ្ទះឪពុកមា នៅក្បែរកន្លែងកើតហេតុ ជាញឹកញាប់ពេល ទំនេរពីការសិក្សា ។ សូម្បីតែអ្នកភូមិនៅក្បែរនោះ ក៏បានស្គាល់ នាងគ្រប់ៗគ្នា ។ នៅថ្ងៃកើតហេតុ ជាថ្ងៃចូលឆ្នាំប្រពៃណីចិន- វៀតណាម ក្មេងស្រីរងគ្រោះខាងលើ បានមកលេងផ្ទះ ឪពុកមាដូចសព្វដង ហើយបានទៅលេងនៅ វាលខ្សាច់ក្រោយវត្តចាក់អង្រែ មិនដឹងថាទៅលេង គ្នាប៉ុន្មាននាក់ ពិតប្រាកដទេ គ្រាន់តែស្បែកជើងបន្សល់ ទុកនៅកន្លែងកើតហេតុ មាន៤គូ និងមានដំបង និងឈើជ្រុង ។
តាមការសន្និដ្ឋានរបស់សមត្ថកិច្ចជំហានដំបូងឱ្យដឹងថា ជនរងគ្រោះត្រូវជនដៃដល់ល្បូងនាំទៅដើរលេង ជាមួយពួកគេ ដែលមានគ្នា ចាប់ពី២នាក់ឡើងទៅហើយបានធ្វើ សកម្មភាពចាប់រំលោភបូក រហូតរហែកទ្វារមាស ហើយវាយសម្លាប់ទម្លាក់ទឹក ទន្លេហើយនាំគ្នា គេចខ្លួនអស់ ទើបប្រជាពលរដ្ឋនាំគ្នាចែវ ទូកដើររកគ្រប់គ្នា ទម្រាំរកសពឃើញ ។
ក្រោយពេលកើតហេតុ សមត្ថកិច្ចបានទាក់ទងទៅឪពុកម្តាយរបស់ក្មេងស្រីរងគ្រោះឲ្យមក ទទួលសព យកទៅធ្វើបុណ្យតាមប្រពៃណី ប៉ុន្តែឪពុកម្តាយរន្ធត់ពេក បានដួលសន្លប់ ទាំង២នាក់ ទើបសាច់ញាតិមក ទទួលយកសពទៅធ្វើបុណ្យ ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
