ខេត្តព្រៃវែង ៖ កាលពីវេលាម៉ោង០៦ និង២៥នាទីព្រឹកថ្ងៃទី០៦ កុម្ភៈ ២០១៦ ស្ថិតនៅលើផ្លូវជាតិលេខ៨ ចន្លោះគីឡូម៉ែត្រលេខ ៦៥-៦៦ ក្នុងភូមិទ្រា ឃុំកញ្ចំ ស្រុកពារាំង មានករណីគ្រោះថ្នាក់ចរាចរណ៍រវាងរថយន្តប៊ើស បុកជាមួយរថយន្តហ៊ីណូខណៈឈប់ចិញ្ចើមផ្លូវ បណ្តាលឱ្យមនុស្ស២នាក់ស្លាប់ និងរបួស១៥នាក់ ។
ប្រភពឱ្យដឹងថា ជនរងគ្រោះទាំង២នាក់ស្លាប់ ១-ឈ្មោះភាព ភេទប្រុស អាយុ២៥ឆ្នាំ មានទីលំនៅភូមិវៃវទ ឃុំរាប ស្រុកពារាំង ដឹកកម្មកររោងចក្រសឺវែនអិនជី (បើករថយន្តប៊ើស) និង២-ឈ្មោះចក់ លីន ភេទស្រី អាយុ១៧ឆ្នាំ មានទីលំនៅភូមិព្រៃព្នៅ ឃុំព្រៃព្នៅ ស្រុកពារាំង ។ ចំណែកអ្នករងគ្រោះទាំង១៥នាក់ ជាកម្មករទាំងអស់ មិនបានស្គាល់អត្តសញ្ញាណទេ ។
ប្រភពបន្តថា មុនពេលកើតហេតុ គេឃើញរថយន្តប៊ើស ពណ៌.ស ពាក់ស្លាកលេខភ្នំពេញ 3B-3970 បើកបរដោយឈ្មោះភាព ធ្វើដំណើពីកើត មកលិច លុះមកដល់ចំណុចកើតហតុក៏បាន ជ្រុលចង្កូតទៅបុក ជាមួយរថយន្តហ៊ីណូ ពណ៌ខៀវ ពាក់ស្លាកលេខ3A-1895ដែលកំពុងចតឈប់នៅ លើចិញ្ចើមផ្លូវចំពីក្រោយ បណ្តាលឱ្យមនុស្សស្លាប់ និងរបួសតែម្តង ។ ក្រោយពេលកើតហេតុ អ្នកបើករថយន្តហ៊ីណូ បានរត់គេចខ្លួន ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
