នៅថ្ងៃទី 27 ខែមករា ឆ្នាំ 2016 នេះអាជីវករ និងអ្នកសារព័ត៌មានកម្ពុជា 20 នាក់កំពុងចេញ ដំណើរទៅកាន់ទីក្រុងបាងកក ដើម្បីចូលរួមកម្មវិធីសម្ពោធ កំពូលស្មាតហ្វូន Huawei Mate 8 ស៊េរីថ្មីបំផុត ប្រចាំតំបន់អាស៊ី ដែលនឹងប្រព្រឹត្តិទៅនៅថ្ងៃទី 28 ខែមករា ឆ្នាំ 2016 នេះ នៅឯ Royal Paragon Hall @Siam Paragon ។
ក្រៅពីអាជីវករ និងអ្នកសារព័ត៌មានកម្ពុជា 20 នាក់នេះ ក៏មានវត្តមានកំពូលតារាបង្ហាញម៉ូត ប្រចាំប្រទេសកម្ពុជា កញ្ញា គង្កា និងពិធីការនីវ័យក្មេង ពូកែវោហារ ខៀវ សាន់សាណា ចូលរួម ជាភ្ញៀវកិត្តិយសផងដែរ។ គួរបញ្ជាក់ថា កម្មវិធីសម្ពោធកំពូលស្មាតហ្វូន Huawei Mate 8 នេះជាព្រឹត្តិការណ៍ដ៏ធំមួយ ប្រចាំតំបន់អាស៊ី ដែលមានអ្នកចូលរួមពីសំណាក់ ឯកអគ្គរាជទូតស្មាតហ្វូន Huawei ប្រចាំប្រទេស អាស៊ីនីមួយៗ តារាចម្រៀង និងតារាសម្ដែងល្បីៗ អាជីវករ និងអ្នកសារព័ត៌មាន ក្នុងតំបន់ ប្រមាណ 500 នាក់។
លោក អែម យុទ្ធូ នាយកទីផ្សាររបស់ក្រុមហ៊ុន Huawei ប្រចាំប្រទេសកម្ពុជា និងជាអ្នកដឹកនាំ ក្រុមការងារ របស់ Huawei ទៅចូលរួមកម្មវិធី សម្ពោធកំពូលស្មាតហ្វូន Huawei Mate 8 នៅទីក្រុង បាងកក បានឲ្យដឹងថា នេះជាលើកទី 3 ហើយដែលក្រុមហ៊ុន Huawei អញ្ជើញអាជីវករ និង អ្នកសារព័ត៌មាន ចូលរួមព្រឹត្តិការណ៍ ដ៏ធំប្រចាំតំបន់អាស៊ីនេះ។ ក្រុមហ៊ុន Huawei មានគោល បំណងចង់ឲ្យអាជីវករ បានស្គាល់កាន់តែច្បាស់ពីបច្ចេកវិទ្យា និងគុណភាពរបស់ Huawei និងដើម្បីបង្កើនជំនឿចិត្តរបស់ពួក គាត់មកលើផលិត ផល Huawei ផងដែរ។
ចំណែកអ្នកនាង សាណា ដែលកំពុងប្រើ Huawei P8 និង G7 Plus ក៏បានឲ្យដឹងដែរថា៖ “ទោះបីជា នាងខ្ញុំធ្លាប់ចូលរួមព្រឹត្តិការណ៍ បែប នេះពីមុនមកក៏ដោយ ក៏នាងខ្ញុំនៅតែមានអារម្មណ៍រំភើបរីករាយ ក្នុងការចូលរួមម្ដងហើយម្ដងទៀត។ អរគុណដល់ក្រុមហ៊ុន Huawei ដែលតែងតែផ្ដល់ឱកាស នាងខ្ញុំ បានឃើញនូវបច្ចេកវិទ្យាថ្មីបំផុតរបស់កំពូលស្មាតហ្វូន ស៊េរីថ្មីៗ និងមានឱកាសជួបផ្ទាល់ជាមួយ ថ្នាក់ដឹកនាំរបស់ Huawei ក៏ដូចជាតារាល្បីៗ ក្នុងតំបន់អាស៊ីផងដែរ។”
កញ្ញា គង្កា ជ័យលាភី Cambodia Next Top Model ជំនាន់ទីមួយបានឲ្យដឹងថា៖ “នាងខ្ញុំមានអារម្មណ៍សប្បាយរីករាយមែនទែន ដែលបានក្រុមហ៊ុន Huawei អញ្ជើញចូលរួមវិធីសម្ពោធកំពូលស្មាតហ្វូន Huawei Mate 8 ប្រចាំតំបន់អាស៊ីនេះ។ ពីមុនធ្លាប់តែបានឃើញតាមកញ្ចក់ទូរទស្សន៍ពីភាពអស្ចារ្យរបស់ព្រឹត្តិការណ៍នេះ តែលើកនេះមានសំណាងបានចូលរួមផ្ទាល់ ដូច្នេះក្នុងចិត្តនាងខ្ញុំបន់ឲ្យតែទៅដល់ឆាប់ៗទេ!”
Huawei Mate 8 គឺជា ស្មាតហ្វូនសម័យទំនើប សមត្ថភាពកំពូល រួមផ្សំ ជាមួយនឹងការរចនាដ៍ទាក់ទាញ តួធ្វើពី អាលុយមីញ៉ូម លោងស្រិល ស្តើង ស្រាល។ អេក្រង់ធំច្បាស់ដូចធម្មជាតិពិតៗ ទំហំ 6 អ៊ីញ ប្រភេទ FHD និង Crystal ធ្វើអោយ លោកពេញចិត្ត ជក់ចិត្ត ។ កាមេរ៉ាទំហំ 16MP កាមេរ៉ាមុខ ទំហំ 8MP កាមេរ៉ាក្រោយ បន្ថែមនូវ បច្ចេកវិទ្យា Focus បានលឿន (Fast and All-focus) ថតច្បាស់ក្នុងទីងងឹត (Low light situation) ជាមួយនឹងបច្ចេកវិទ្យាថ្មីៗ កំរិតអាជីពថតបានលឿន មុខងារថតវីដេអូយឺតៗ និងបំពាក់នូវមុខងារ ជាកាមេរ៉ាអាជីព (Professional functions) ដូចជា ការជ្រើសរើស ISO, S, EV, AF, WB... ស្មើនឹងលោកអ្នកមាន កាមេរ៉ា DSLR កំរិតអាជីពនៅជាប់ខ្លួន គ្រប់ពេល។ ចំណែកឯថាមពលថ្មវិញ គឺលោកអ្នកអាចប្រើបានពេញ 2 ថ្ងៃ ដោយមិនបាច់បារម្ភសាកថ្ម ដែលមានទំហំរហូតដល់ 4000 mAh ។ Huawei Mate 8 បំពាក់នូវអង្គប្រតិបត្តិការ ពេញដោយគំនិតថ្នៃប្រឌិតខ្ពស់ ចុងក្រោយបំផុត Kirin 950 ដែលជួយលោក អ្នកប្រើកាន់តែ លឿនជាង ខ្លាំងជាង និងមានប្រសិទ្ធិភាពខ្ពស់ ។ អ្វីដែលពិសេសជាងគេនោះគឺ សុវត្ថិភាព បំផុតជាមួយបច្ចេកវិទ្យា ស្កេនក្រយ៉ៅដៃជំនាន់ថ្មី គ្រាន់តែចំណាយពេលប្រមាណកន្លះវីនាទី រឺតែមួយប៉ប្រិចភ្នែក ដើម្បីដោះសោរ ទទួលទូរសព្ទ័ បិទសំលេង នាឡិនការរោទិ៍និងថតរូបបែបសែលហ្វី ។
គួររំលឹកផងដែរថា Huawei Mate 8 គឺជាកំពូលស្មាតហ្វូនស៊េរីទំនើបចុងក្រោយបំផុតរបស់ Huawei។ ក្រោយពីកម្មវិធីសម្ពោធនៅទីក្រុង បាងកកនេះ Huawei Mate 8 នឹងមានលក់ នៅក្នុងទីផ្សារប្រទេស កម្ពុជាក្នុងតម្លៃប្រមាណ 600 ដុល្លារ និងមានពីរពណ៌ គឺមាស និង មាសកាហ្វេ ។
ព័ត៌មានបន្ថែម៖ https://www.facebook.com/HuaweiDeviceCambodia/
បញ្ចូលអត្ថបទដោយ ម៉ា
ខ្មែរឡូត
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
