ភ្នំពេញ ៖ កាលពីថ្ងៃទី 23 មករា 2016 ក្រុមហ៊ុនសាមសុងកម្ពុជា សម្ពោធទូរសព្ទដៃស៊េរីទំនើបថ្មីគឺ សាមសុង Galaxy A Series 2016 នៅមជ្ឈមណ្ឌលសេវាកម្ម សាមសុង ដែលមានអាស័យដ្ឋានផ្ទះលេខ A11-A13 ផ្លូវជាតិលេខ៦ សង្កាត់ ស្វាយដង្គុំ ក្រុងសៀមរាប។ សាមសុង Galaxy A ជាទូរសព្ទទំនើបដែលមានរូបរាងប្រណីតហើយកាមេរ៉ាត្រូវបានកែលម្អរមានលក្ខណៈ ល្អប្រសើរ។
ទូរសព្ទ Galaxy A 2016 ជាការរចនាជាមួយបច្ចេកវិទ្យាថ្មីបំផុតរបស់ក្រុមហ៊ុនសាមសុង ដែលអាចអោយ អតិថិជនប្រើប្រាស់ បានច្រើនយ៉ាងព្រមទាំងមាន ជម្រើសបីផ្សេងគ្នា គឺប្រភេទអេក្រង់ 5.5 អ៊ីនសម្រាប់Galaxy A7 អេក្រង់5.2អ៊ីនសំរាប់ Galaxy A5 និង អេក្រង់4.7 អ៊ីនសំរាប់Galaxy A 3។ ទូរសព្ទស៊េរីថ្មី Galaxy A 2016 មានរូបរាងប្រណីគ្មានគូរប្រៀបព្រមទាំងមាន មុខងារពិសេសជាច្រើន ដែលត្រូវបានកែលម្អរ ឲ្យអ្នកប្រើប្រាស់ បានច្រើនយ៉ាង។
ទូរសព្ទ Galaxy A 2016ត្រូវបានរចនាឡើងបន្ថែមរបស់Samsung Galaxy ចុងក្រោយបំផុត ផលិតពីតួលោហធាតុ និងកញ្ចក់ប្រភេទ Corning Gorilla Glass 4 ធ្វើឲ្យទូរសព្ទនេះ មានភាពរឹងមាំ រូបរាងស្រស់ស្អាត ទាក់ទាញភ្នែកបំផុត និងមានភាពទាន់សម័យ។ ទូរសព្ទ Galaxy A ធ្វើឲ្យអ្នកប្រើប្រាស់មើល រូបភាពច្បាស់ជាងមុន ជាមួយនឹងកែមដែលស្តើងតូចស្អាត។
ទូរសព្ទ Galaxy A (2016)ក៏បំពាក់មកជាមួយប្រព័ន្ធកាមេរ៉ាទំនើបជាងមុនដែលធ្វើអោយទាំង រូបភាពនិងវីដេអូកាន់តែភ្លឺ និងច្បាស់ជាងមុន។ ប្រព័ន្ធដំណើរការ ដែលមានកំរិតខ្ពស់មួយនេះ អាចកាត់បន្ថយភាពរំញ័ររូបភាព ដោយកាមេរ៉ាមុខ និងក្រោយដែលមានអាភិតឆឺ F1.9 ដើម្បីអោយអ្នកប្រើប្រាស់ ថតរូបបានល្អទោះ បីជានៅកន្លែងងងឹតក៏ដោយ។ ជាងនេះទៅទៀត ជាមួយនឹង លក្ខណៈពិសេសរបស់ Quick Launch អ្នកចុចប៊ូតុងដើមតែ2ដងប៉ុណ្ណោះអ្នកប្រើប្រាស់ កាមេរ៉ាបានដោយចំណាយពេល មិនដល់មួយវិនាទីផង។ អ្នកក៏អាចថតរូប selfie ដែលមានរូបភាពធំជាងមុននិងប្រើបាត ដៃសម្រាប់បញ្ជាកាមេរ៉ាថត។
លោក ជា សុជាតិ ប្រធានផ្នែកទូរស័ទ្ទ របស់ក្រុមហ៊ុន សាមសុង អេឡិចត្រូនិច ប្រចាំនៅកម្ពុជាបានអោយដឹងថា៖ « នៅក្រុមហ៊ុនសាមសុង ពួកយើងប្តេជ្ញាបង្កើនភាពច្នៃប្រឌិតដោយផ្អែកលើតម្រូវការ និងមតិយោបរបស់អតិថិជន។
យើងសូមណែនាំ នូវទូរសព្ទស៊េរី Galaxy A 2016 ដែលកាន់តែកាលី កាន់តែខ្លាំង ហើយយើងផលិតឡើង ដើម្បីបំពេញតម្រូវការ របស់អតិថិជន ជាពិសេស សម្រាប់យុវវ័យតែម្តង។ ទន្ទឹមគ្នានេះដែរ លោក ជា សុជាតិ បានអំពាវនាវអោយអតិថិជនទាំង អស់ជាវនូវផលិតផលសាមសុង Galaxy A 2016 នាំចូលស្របច្បាប់ ដែលមានបិទ sticker “Cambodia Privilege” នៅលើសំបកទូរសព្ទ ដើម្បីទទួលបាននូវអត្ថប្រយោជន៍ជាច្រើនពីក្រុមហ៊ុនសាមសុង។ ជាមួយគ្នានេះដែរ សូមសំណូមពរដល់រាជរដ្ឋាភិបាល ជួយទប់ស្កាត់នូវផលិតនាំចូលគេចពន្ធនានា ដើម្បីធានាបាន នូវតម្លាភាពនៃការ ប្រកួតប្រជែងស្របច្បាប់។ សូមបញ្ជាក់ថា sticker “Cambodia Privilege” ត្រូវបានផលិតឡើងដោយក្រុមហ៊ុន សាមសុង ដើម្បីសំគាល់ផលិតផលទូរសព្ទ និង ថេប្លេត សាមសុង ដែលនាំចូលស្របច្បាប់ ហើយនឹងត្រូវបិទ លើគ្រប់ទូរសព្ទ និងថេប្លេត សាមសុងចាប់ពី សប្តាហ៍នេះតទៅ ដើម្បីអតិថិជនងាយស្រួលចំណាំ។ សម្រាប់ព័ត៌មានបន្ថែមសូមចូលទៅ កាន់គេហទំព័រ www.samsungmobilepress.com
អំពីក្រុមហ៊ុន Samsung Electronics co., Ltd ៖ គឺជាក្រុមហ៊ុននាំមុខគេលើពិភពលោកផ្នែកបច្ចេកវិទ្យាដោយផ្តល់លទ្ធភាពថ្មីៗជូនមនុស្សគ្រប់រូប គ្រប់ ទីកន្លែង។ តាមរយៈ ការបង្កើតថ្មី និងរបកគំហើញឥតឈប់ឈរ យើងកំពុងតែផ្លាស់ប្តូរឲ្យកាន់តែប្រសើរឡើងនូវពិភពទូរទស្សន៍ ស្មាតហ្វូន កុំព្យូទ័រផ្ទាល់ខ្លួន កុំព្យូទ័រលើតុ ម៉ាស៊ីនថតរូប ឧបករណ៍ផ្ទះបាយ ម៉ាស៊ីនថតចម្លង ប្រព័ន្ធ LTE ឧបករណ៍វេជ្ជសាស្ត្រ ឧបករណ៍ផ្សេងៗ ដែលប្រើប្រព័ន្ធអគ្គិសនី និងដំណោះស្រាយផ្សេងៗប្រើប្រព័ន្ធ LED។ យើងកំពុងតែនាំគេផ្នែកអុីនធឺណែត(Internet of Things) ដែលមានឧបករណ៍វៃឆ្លាតជាច្រើន និងមានការសហការ យ៉ាងល្អនិងសកម្មនៅក្នុងឧស្សាហកម្មផ្សេងៗ។ យើងមានបុគ្គលិកចំនួន 319.000 នាក់ នៅទូទាំង 84 ប្រទេស ដោយមានបរិមាណលក់ ប្រចាំឆ្នាំ ចំនួន 196 ពាន់លានដុល្លារអាមេរិក។
ដើម្បីស្វែងរកព័ត៌មានបន្ថែមនិងទទួលបានព័ត៌មានថ្មីៗអត្ថបទនិងឯកសារផ្សេងៗ សូមមើលគេហទំព័រ news.samsung.com។
បញ្ចូលអត្ថបទដោយ ម៉ា
ខ្មែរឡូត
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]