កាលពីព្រឹកថ្ងៃទី ៩ សីហា ២០១២នេះ Samsung បានរួមចំណែកផ្ដល់កញ្ចប់ថវិកាជំនួយ ដល់ពិធីប្រកាសដាក់ឲ្យដំណើរការជាផ្លូវការនូវគម្រោង «ការបង្កើតឱកាសការងារ និងគ្រប់គ្រងសំណល់អេឡិចត្រូនិក ប្រកបដោយប្រសិទ្ធភាព ក្នុងប្រទេសកម្ពុជា» ដែលបានរៀបចំឡើងនៅសណ្ឋាគារភ្នំពេញបានប្រព្រឹត្តទៅយ៉ាងរលូនប្រកបដោយជោគជ័យ ក្រោមអធិបតីភាពដ៏ខ្ពង់ខ្ពស់របស់ ឯកឧត្ដមខៀវ មុត រដ្ឋលេខាធិការក្រសួងបរិស្ថាន និងឯកឧត្ដម ពេជ សោភ័ណ រដ្ឋលេខាធិការក្រសួងការងារ និងបណ្ដុះបណ្ដាលវិជ្ជាជីវៈ ព្រមទាំងតំណាងក្រុមហ៊ុនSamsung លោក យុងស៊ូ គីម អនុប្រធានផ្នែកបំរើសេវាអតិថិជនរបស់ក្រុមហ៊ុនSamsung អេឡិកត្រូនិកប្រចាំតំបន់អាស៊ីអាគ្នេយ៍, តំណាងម្ចាស់គម្រោងអង្គការសហប្រជាជាតិដើម្បីអភិវឌ្ឍន៏កសិកម្មហៅកាត់ថា UNIDO , តំណាងភ្នាក់ងារសហប្រតិបត្តិការអន្តរជាតិ KOICA និងបុគ្គលពាក់ព័ន្ធជាច្រើនទៀត។
ឆ្លៀតក្នុងឱកាសបើកសម្ពោធគម្រោង ក្រោមជំនួយរបស់UNIDO លោក យុងស៊ូ គីម អនុប្រធានផ្នែកបំរើសេវាអតិថិជនរបស់ក្រុមហ៊ុនSamsung អេឡិកត្រូនិកប្រចាំតំបន់អាស៊ីអាគ្នេយ៍បានមានប្រសាសន៍ថា ក្នុងនាមជាតំណាងរបស់Samsung Electronics ខ្ញុំមានសេចក្ដីសោមនស្សរីករាយជាទីបំផុតដែលបានរួមចំណែកគាំទ្រ និងដើរតួជាម្ចាស់ជំនួយ លើគម្រោងរបស់UNIDO តាមរយៈការគាំទ្រ និងសហការយ៉ាងកក់ក្ដៅក្រោមវត្តមានដ៏ខ្ពង់ខ្ពស់របស់រដ្ឋមន្ត្រីក្រសួងបរិស្ថាន និង រដ្ឋមន្ត្រីការងារ និងបណ្ដុះបណ្ដាលវិជ្ជាជីវៈកម្ពុជា បូករួមទាំងស្ថាប័នជាដៃគូដទៃទៀត។
គម្រោងមានរយៈពេល៣ឆ្នាំរបស់ UNIDO ដើម្បីរួមចំណែកក្នុងការគ្រប់គ្រងសំណល់សម្ភារៈអេឡិចត្រូនិកនេះ ក្រុមហ៊ុនបច្ចេកវិទ្យាSamsung និងភ្នាក់ងារសហប្រតិបត្តិការអន្តរជាតិកូរ៉េ(KOICA) ក៏បានរួមចំណែកជាម្ចាស់កញ្ចប់ជំនួយ ដើម្បីលើកស្ទួយវិស័យការងារ និងនិរន្តរភាពបរិស្ថានឲ្យស្ថិតស្ថេរគង់វង្ស និង រុញច្រានកម្ពុជា វៀរចាកឲ្យឆ្ងាយពីបំពុលបរិស្ថាននានាតាមរយៈ ការកែច្នៃ និងគ្រប់គ្រងសំណល់សម្ភារៈអេឡិចត្រូនិកប្រកបដោយប្រសិទ្ធភាពស្របតាមស្តង់ដារ។
បន្ថែមពីលើនេះទៀត អគ្គនាយក សាខាថៃសាមសុងអេឡិកត្រូនិកប្រចាំនៅកម្ពុជា លោកហ្គី ហានលី ក៏បានលើកឡើងដែរថា មិនត្រឹមតែចូលរួមអភិវឌ្ឍ បង្កើតឧបករណ៍អេឡិចត្រូនិកប្រកបដោយគុណភាពសម្រាប់បម្រើ និងបំពេញសេចក្ដីត្រូវការរបស់ប្រជាពលរដ្ឋទូទាំងប្រទេសកម្ពុជាប៉ុណ្ណោះទេ ប៉ុន្តែយើងក៏បានរួមចំណែកក្នុងការការពារបរិស្ថាន និងផ្ដល់ឱកាសការងារដល់យុវជនកម្ពុជាថែមទៀតផង។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
