រាជធានីភ្នំពេញ៖ ក្រុមហ៊ុនស្រាបៀរ លីអូ បានរៀបចំសន្និសីទសារព័ត៌មានមួយនៅ ទីស្នាក់ការស្ថានីយទូរទស្សន៍បាយ័នស្ទឹងមានជ័យ កាលពីថ្ងៃទី ០៣ ខែ មករា ឆ្នាំ ២០១៦ កន្លងទៅនេះស្តីពី ការឧបត្ថម្ភទាំង ស្រុងក្នុងកម្មវិធី “កំពូលអ្នកប្រដាល់ ស្រាបៀរ លីអូ” ដែលកំពុងទទួលបានការគាំទ្រ យ៉ាងខ្លាំងពីសំណាក់ អ្នកស្នេហាកីឡាប្រដាល់ ដោយមានការ អញ្ជើញចូលរួមពីអ្នក តំណាងក្រុមហ៊ុន ស្រាបៀរ លីអូ សហព័ន្ធកីឡា ប្រដាល់កម្ពុជា និងស្ថានីយទូរទស្សន៍ បាយ័ន។
ព្រឹត្តិការណ៍ប្រដាល់ដែលមានកិច្ចសហការរវាងភាគីធំៗចំនួនបីគឺ ក្រុមហ៊ុន ស្រាបៀរ លីអូ សហព័ន្ធកីឡាប្រដាល់កម្ពុជា និងស្ថានីយទូរទស្សន៍ បាយ័ន នឹងបន្តនាំមកជូនទស្សនិកជន នូវកម្មវិធីប្រដាល់ ដែលកាន់តែជក់ចិត្តដិតអារម្មណ៍ជាងមុន។ ទស្សនិកជនអាច អញ្ជើញចូលរួមទស្សនា កម្មវិធីប្រដាល់នេះបានចាប់ពីថ្ងៃទី ០៣ មករា ២០១៦ តទៅនាវេលា ម៉ោង ៤ ដល់ ៦ ល្ងាច រៀងរាល់ថ្ងៃអាទិត្យ នៅសង្វៀនបាយ័ន បឹងស្នោរ ក៏ដូចជាតាមរយៈការផ្សាយផ្ទាល់ លើកញ្ចក់ទូរទស្សន៍បាយ័ន។ កីឡាករជើងខ្លាំងទម្ងន់ ៦៧ គីឡូក្រាមទាំង ៨ រូបរួមមាន ចៅ ផលឌឿ, រិន មុន្នី, ពុទ្ធ ឆាយរិទ្ធី, ឯម ខ្លឹមខ្មៅ, ផាន់ ចំណាន, វីសេរី ចាន់ឌីន, ហាក់ ចាន់ធី និង កីឡាករ រឿង វណ្ណៈ។
នៅក្នុងសន្និសីទសារព័ត៌មាននេះ លោក ព្រាប សុវណ្ណ ដែលជាតំណាងរបស់ ក្រុមហ៊ុនស្រាបៀរ លីអូ បានឲ្យដឹងថា “កំពូលអ្នក ប្រដាល់ស្រាបៀរ លីអូ” ទទួលបានការគាំទ្រ យ៉ាងច្រើនលើសលប់ តាំងពីប្រកួតដំបូង នៅថ្ងៃទី ១៧ សីហា ២០១៣។ ហើយការនាំកម្មវិធី “កំពូលអ្នកប្រដាល់ស្រាបៀរ លីអូ” មកស្ថានីយទូរទស្សន៍បាយ័ន នាពេលនេះគឺដោយសារយើងចង់ ចែករំលែកដល់ អ្នកស្នេហា និងគាំទ្រកីឡាប្រដាល់នៅ ស្ថានីយទូរទស្សន៍បាយ័ន និងសង្វៀនរោងសៀកនូវ ឱកាសក្នុងការទស្សនាការ ប្រកួតពិសេសៗដែលយើងរៀបចំឡើង។ សូមជម្រាបផងដែរថាមូលហេតុដែល យើងជ្រើសយកកីឡាករ ទម្ងន់ ៦៧គីឡូក្រាម ក៏ព្រោះតែពួកគេមានកម្លាំងខ្លាំង ពោរពេញដោយថាមពល មានបច្ចេកទេស ល្អក្នុងការប្រកួត និងគួបផ្សំជាមួយប្រជាប្រិយភាព របស់ពួកគេ ដែលធ្វើឲ្យអ្នកទស្សនាហើយជក់ចិត្តមិនចង់ ងើបចេញពីកៅអី។ យើងក៏បានបន្ថែមពីរម៉ោងទៀត ដើម្បីឲ្យអ្នកទស្សនាការ ប្រកួតដោយរីករាយនិងបានយូរ ចាប់តាំងពីរដូវកាល មុនមកម្លេះ ដោយសារតែមតិ ត្រឡប់ជាវិជ្ជមានរបស់ ទស្សនិកជន ដូច្នេះហើយយើងនៅតែ បំពេញតម្រូវការរបស់ពួកគេ។ គូប្រកួតរួមមាន៖ ចៅ ផលឌឿ, រិន មុន្នី, ពុទ្ធ ឆាយរិទ្ធី, ឯម ខ្លឹមខ្មៅ, ផាន់ ចំណាន, វីសេរី ចាន់ឌីន, ហាក់ ចាន់ធី និង កីឡាករ រឿម វណ្ណៈ។
គួរកត់សម្គាល់ថា កម្មវិធីកីឡាប្រភេទនេះមិនមែនទើបតែត្រូវបានក្រុមហ៊ុនស្រាបៀរ លីអូ បង្កើតឡើង ដើម្បីគាំទ្រដល់វិស័យ កីឡាក្នុងប្រទេសកម្ពុជា ជាលើកដំបូងឡើយ ពោលគឺកន្លងមកក្រុមហ៊ុននេះ ក៏បានបង្កើតកម្មវិធីដណ្តើមពានរង្វាន់ បាល់ទះដ៏មាន ប្រជាប្រិយភាពផងដែរ។ លើសពីនេះទៅទៀត ក្រុមហ៊ុនស្រាបៀរ លីអូ ក៏បានចូលរួមក្នុងសកម្មភាពដើម្បី សង្គមជាច្រើនទៀតផង ហើយជាក់ស្តែងកាល ពីពេលថ្មីៗកន្លងទៅនេះ ក្រុមហ៊ុនក៏បានធ្វើការឧបត្ថម្ភដល់ កុមារកំព្រាផងដែរ។
ជាថ្មីម្តងទៀត សូមកុំខកខានក្នុងការទស្សនាកីឡាប្រដាល់ដ៏ធំអស្ចារ្យនេះ ដើម្បីចូលរួមគាំទ្រកីឡាករ ដែលអ្នកពេញចិត្ត ក្នុងកម្មវិធី “កំពូលអ្នកប្រដាល់ស្រាបៀរ លីអូ” នៅស្ថានីយទូរទស្សន៍បាយ័ន និងរង់ចាំមើល ថាតើកីឡាករណាមួយដែលនឹង ក្លាយជាកំពូលជើង ឯកក្នុងកម្មវិធី ប្រដាល់នេះ។
បញ្ចូលអត្ថបទដោយ ម៉ា
ខ្មែរឡូត
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]