រាជធានីភ្នំពេញ ៖ យុវជនម្នាក់ជិះម៉ូតូចេញពីជប់លៀងត្រូវរថយន្ដកាមរីឆ្លាម ពណ៌ខ្មៅ បុកបណ្ដាលឱ្យខ្ទាតធ្លាក់ដាំក្បាលចូលក្នុងលូរបួសដាច់អណ្ដាតដេរ៣០ថ្នេរ និងបាក់កជើងស្ដាំ ហើយរថយន្ដបើករត់បាត់កាលពីវេលាម៉ោង១និង៣០នាទីរំលងអធ្រាត្រឈានចូលថ្ងៃទី២១ កុម្ភៈ នៅលើកំណាត់ផ្លូវលេខ១៩ កែងផ្លូវលេខ១៧៨ ក្នុងសង្កាត់ជ័យជំនះ ខណ្ឌដូនពេញ ។
ជនរងគ្រោះឈ្មោះទី ប៉ាសុគន្ធ ភេទប្រុស អាយុ២៣ឆ្នាំ ជានិស្សិតអនុបណ្ឌិតផ្នែកព័ត៌មានវិទ្យាឆ្នាំទី២ នៃសាកលវិទ្យាល័យឯកទេសកម្ពុជា ស្នាក់នៅផ្ទះលេខ១០MEo ផ្លូវសុធារស សង្កាត់ចតុមុខ ខណ្ឌដូនពេញ ជិះម៉ូតូម៉ាកស្មាស់ ពណ៌ខ្មៅ តាមបណ្តោយផ្លូវលេខ១៧៨ ពីលិចទៅកើត ។ ចំណែករថយន្ដកាមរីឆ្លាម ពណ៌ខ្មៅ បើកតាមផ្លូវលេខ១៩ ពីជើងទៅត្បូង ខណៈមកដល់ចំណុចកើតហេតុជាផ្លូវកែងស្រាប់តែរថយន្ដកាមរីឆ្លាមបានទៅបុកម៉ូតូស្មាស់ពេញទំហឹងខ្ទាតអ្នកបើកបរទៅធ្លាក់ចូលក្នុងលូរងរបួសតែម្តង ។ រីឯម៉ូតូអូសជាប់ក្រោមរថយន្ដប្រមាណ១០ម៉ែត្រ ទើបរថយន្ដថយក្រោយបន្ដិចធ្លាក់ម៉ូតូហើយបើករត់គេចបាត់ស្រមោល។
ប្រភពព័ត៌មានបានឱ្យដឹងទៀតថា ក្រោយកើតហេតុជនរងគ្រោះត្រូវរថយន្ដសាមុយឯកជនដឹកយកទៅសង្គ្រោះ ចំណែកម៉ូតូត្រូវសមត្ថកិច្ចយកទៅរក្សាទាំុកនៅអធិការដ្ឋានខណ្ឌដូនពេញ ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
សូមប្រិយមិត្តទាំងអស់ជួយចុច Add a comment ដើម្បីផ្តល់ជាមតិនិងជួយ Share នៅលើ Facebookរបស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]