រាជធានីភ្នំពេញ ៖ ប្រភពពីអ្នកធ្វើការនៅក្នុងរង្គសាលមួយឈ្មោះគីម ស៊ុនឡាយ បានបង្ហើបឲ្យដឹងថា តារាសម្តែង និងជាពិធីការិនីនាងថន លក្ខិណា បានបង្ហាញខ្លួនជាញឹកញាប់ជាមួយបុរសវ័យក្មេងក្នុងពេលចូលទៅរាំលេងពេលរាត្រីនៅក្នុងរង្គសាលមួយនេះ។ ប្រភពដដែលបន្តថា ថន លក្ខិណា តែងតែឧស្សាហ៍ទៅទីនោះជាញឹកញាប់ដែលភាគច្រើន គឺមកជាក្រុមជាមួយប្រុសក្មេងៗហើយក្នុងចំណោមបុរសក្មេងទាំងនោះមានម្នាក់ដែលត្រូវបានគេចាប់អារម្មណ៍យ៉ាងខ្លាំងដោយហេតុថា បុរសម្នាក់នោះមានភាពជិតស្និត និងកៀកកិតជាងគេជាមួយនឹងនាងថន លក្ខិណា ដែលធ្វើឲ្យគេយល់ថា បុរសនោះទំនងជាមិត្តប្រុសរបស់នាងថែមទៀតផង។ ភាពសង្ស័យនោះកើតឡើងដោយសារគេឃើញបុរសរូបនេះតែងតែរាំកៀកកិតជាមួយនឹងថន លក្ខិណា សូម្បីតែពេលរាំចប់មួយបទៗបុរសរូបនោះតែងតែកាន់ដៃលក្ខិណា ជាប់ហើយនាំទៅអង្គុយសាឡុងជាមួយគ្នាទៀតផង។
ឆ្លើយតបទៅនឹងបញ្ហានេះ ថន លក្ខិណា បានបកស្រាយប្រាប់កោះសន្តិភាពតាមទូរស័ព្ទនៅថ្ងៃទី៨ សីហា ២០១២នេះថា ជាការពិតនាងតែងតែទៅកម្សាន្តនៅរង្គសាលនោះប្រាកដមែន ហើយការទៅរាំកម្សាន្ត គឺជាការលំហែអារម្មណ៍ក្រោយពេលដែលនាងទំនេរពីការងារសិល្បៈ។ នាងបន្ថែមថា ការទៅរាំលេងភាគច្រើន គឺទៅជាក្រុមមិនមែនទៅតែម្នាក់ឯង ឬក៏ទៅតែ២នាក់នោះទេ ហើយបុរសទាំងអស់នោះដែលនាងបានទៅជាមួយ គឺសុទ្ធតែស្គាល់គ្នាមិនមែនមានបុរសណាម្នាក់ពិសេសសម្រាប់នាងឡើយ។ នាងបញ្ជាក់ថា ការរាំលេងនោះមិនមែននាងរាំកៀកកិតជាមួយបុរសណាម្នាក់ជាងអ្នកណាម្នាក់ឡើយ ពោលគឺនាងមានភាពជិតស្និតទាំងអស់គ្នា ព្រោះយល់ថា ទាំងអស់គ្នាសុទ្ធតែជាអ្នកស្គាល់ និងរាប់អានគ្នាហើយវាគ្រាន់តែជាការរាំកម្សាន្តតែប៉ុណ្ណោះ មិនមែនធ្វើអ្វីផ្តេសផ្តាស់ឡើយ។ នាងអះអាងថា ការចូលទៅរាំកម្សាន្តនៅទីនោះមិនមែនមានតែនាងដែលជាអ្នកសិល្បៈចូលទៅទេ ពោលគឺមានអ្នកសិល្បៈមួយចំនួនទៀតក៏ឧស្សាហ៍ចូលទៅរាំនៅទីនោះផងដែរ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
