រកឃើញបុព្វបុរស សត្វកំពឹស អាយុជាង ៥០០លានឆ្នាំមុន មានពង ២៨គ្រាប់

អាមេរិក៖ អ្នកស្រាវជ្រាវបានរកឃើញ ហ្វូសីលសត្វ Waptia ដែលបានដាច់ពូជរាប់រយលានឆ្នាំកន្លងមក ហើយវាក៏ជាបុព្វបុរសអំបូរសត្វកំពឹសបច្ចុប្បន្ននេះផងដែរ។

ហ្វូសីលនៃសភាវ:ដែលធ្លាប់មានជីវិតនៅលើភពផែនដី និងមានរូបរាងស្រដៀងសត្វកំពឹសនេះ ត្រូវបានរកឃើញដោយជនជាតិកាណាដា លោក Burgess Shale កាលពីមួយសតវត្សរ៍មុនម្ល៉េះ ទើបតែការសិក្សានៅពេលថ្មីៗនេះប៉ុណ្ណោះ ដែលរកឃើញមានស៊ុត២៨គ្រាប់ជាមួយអំព្រីយូសជាប់នៅក្នុងហ្វូសីល អាយុកាលចំនួន ៥០៨លានឆ្នាំមួយនេះ។ វាក៏ត្រូវបានគេចាត់ទុកថាជា សភាវ:មានកូនជាប់ខ្លួន ចំណាស់បំផុត ដែលបានរកឃើញនៅក្នុងប្រវត្តិសាស្ត្រផងដែរ។

ការសិក្សានេះ ចូលរួមដោយអ្នកវិទ្យាសាស្ត្រ មកពីសាកលវិទ្យាល័យ តូរុនតូ ជាមួយសារមន្ទីរជាតិ អុនតារីយ៉ូ និងមន្ទីរពិសោធន៍ជាតិសេនត្រល ផងដែរ៕

ប្រភព៖ Dailymail

ដោយ សី

ខ្មែរឡូត