ភ្នំពេញ ថ្ងៃទី២១ខែធ្នូ ឆ្នាំ២០១៥៖ ក្រោយពីការទន្ទឹងរង់ចាំអស់រយៈពេលជាច្រើនខែ នូវរូបរាងថ្មីរបស់រថយន្ត Ford Everest 2016 រូបរាងថ្មីដែលជាប្រភេទរថយន្ត SUV សម្រាប់ការធ្វើដំណើរ ប្រចាំថ្ងៃជាលក្ខណៈគ្រួសារ ក៏ដូចជាការប្រើប្រាស់ សម្រាប់ប្រតិបត្តិការអាជីវកម្ម រថយន្ត Ford Everest 2016 រូបរាងថ្មី បំពាក់ដោយ បច្ចេកវិទ្យាឆ្លាតលើសពីការរំពឹងទុក ត្រូវបានក្រុមហ៊ុនអ អិម អេ ខេមបូឌា (RMA Cambodia) ដែលជាតំណាងចែកចាយ ផ្តាច់មុខរថយន្តហ្វដ (Ford) នៅកម្ពុជា បានប្រកាសដាក់លក់ ជាផ្លូវការចាប់ពីថ្ងៃនេះតទៅ នៅតាមបណ្តាទីតាំងលក់រថយន្ត ហ្វដនៅក្នុងព្រះរាជាណាចក្រកម្ពុជា ។
យោងទៅលើកេរ្តិ៍ឈ្មោះដ៏ល្បីល្បាញនៃរថយន្តដែលមានគុណភាពខ្ពស់បំផុតសម្រាប់ការបើកបរ ក៏ដូចជាភាពធន់រឹងមាំ សាកសម ទៅនឹងអ្វីដែលអ្នកបើកបរ បានរំពឹងទុក ថាជារថយន្ត SUV ដែលធន់ជាងគេ Ford Everest 2016 រូបរាងថ្មីនេះ បានផលិតឡើងបំពាក់ដោយបច្ចេកវិទ្យាដ៏ឆ្លាតវៃសម្រាប់ ការបើកបរប្រកបដោយ សុវត្ថិភាពខ្ពស់បំផុតមានដូចជា បច្ចេកវិទ្យា SYNC 2 ដែលអាចឲ្យអ្នកបើកបរ ប្រើសម្លេងនិយាយបញ្ជាទៅ លើការកម្សាន្ត កំនត់កម្រិត សីតុណ្ហភាពនៅក្នុងរថយន្ត ហើយអាចភ្ជាប់ទូរស័ព្ទដៃ ទៅនឹងរថយន្តជាមួយអេក្រង់ Touch Screen ដ៏ធំទំហំ 8អ៊ីញ ប្រព័ន្ធផ្តល់ដំណឹងដល់អ្នកបើកបរ ឲ្យឈប់សម្រាកពេលងងុយគេង ប្រព័ន្ធផ្តល់ ដំណឹងគ្រោះថ្នាក់ជុំវិញរថយន្ត (Blind Sport Information System) ប្រព័ន្ធចូលចតដោយស្វ័យប្រវត្តិ (Semi-Active Park Assist) ប្រព័ន្ធផ្តល់ សញ្ញាគ្រោះថ្នាក់ដែលអាចកើតមាននៅខាងមុខ (Collusion Warning)ប្រព័ន្ធទប់លំនឹងរថយន្តលើផ្លូវកោង និងរអិល (Roll Stability Control) ត្រូវបានបំពាក់ សម្រាប់សម្រួលដល់អ្នក បើកបរឲ្យគ្រប់គ្រងរថយន្តបាន ពេលកំពុងបើកបរ ក្នុងល្បឿនលឿន ប្រព័ន្ធទប់លំនឹងរថយន្ត (Electronic Stability Program) ដែលមានមុខងារយ៉ាង សំខាន់ក្នុងការទប់លំនឹងរថយន្ត និងបញ្ជៀសការ ក្រឡាប់ រ៉ាដាកំណត់ល្បឿនដែលអាចបន្ថយល្បឿនដោយស្វ័យ ប្រវត្តិតាមល្បឿនរថយន្តខាងមុខ (Adaptive Cruise Control) ប្រព័ន្ធជំនួយលើចង្កូតនិងរំលឹកឲ្យអ្នកបើកបរ បើកក្នុងគន្លងត្រឹមត្រូវ (Lane Keeping Alert) និង ប្រព័ន្ធបើកបរនៅលើ គ្រប់ស្ថានភាពផ្លូវ (Terrain Management System)។
សម្រាប់ព័ត៌មានលម្អិតស្តីអំពីរថយន្ត Ford សូមធ្វើការទំនាក់ទំនងមកកាន់លេខទូរស័ព្ទ 012 333 975 ។
បញ្ចូលអត្ថបទដោយ ម៉ា
ខ្មែរឡូត
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]