ដោយសារតែទឹកចិត្តស្រឡាញ់ជាតិ និងអត្តពលិករបស់ខ្លួនខ្លាំងពេក តារាម៉ូដែលកោះតៃវ៉ាន់ នាង Huan Shi Ting បានសម្រេចចិត្តស្រាតល្វែងលើដើម្បីតវ៉ាប្រឆាំងនឹងគណៈកម្មការរៀបចំការប្រកួតកីឡាអូឡាំពិក និងដើម្បីគាំទ្រអត្តពលិករបស់ខ្លួនដែលបានទៅចូលរួមប្រកួតកីឡាអូឡាំពិកក្រុងឡុងឆ្នាំ២០១២ ។
តារាម៉ូដែលវ័យ២៣ឆ្នាំរូបនេះ បានបង្ហោះរូបភាពស្ទើរស្រាតននលគករបស់នាងតាមប្រព័ន្ធអីុនធើរណេត ដោយគ្រាន់តែយកទង់ជាតិកោះតៃវ៉ាន់បិទបាំងកន្លែងសំខាន់ៗខ្លះតែប៉ុណ្ណោះ ។នាង Huang Shi Ting បាននិយាយថា ខ្ញុំខឹងសម្បារខ្លាំងណាស់នៅពេលដែលទង់ជាតិរបស់ប្រទេសខ្ញុំត្រូវបានគេដកចេញដោយគណៈកម្មការរៀបចំការប្រកួតកីឡាអូឡាំពិក បន្ទាប់ពីមានការស្នើដោយស្ថានទូតចិនប្រចាំនៅប្រទេសអង់គ្លេស ។
នាងបានបន្តទៀតថា ខ្ញុំសម្រេចចិត្តធ្វើបែបនេះ គឺមានគោលបំណងពីរយ៉ាង ៖ ទី១ គឺដើម្បីគាំទ្រដល់អត្តពលិករបស់ប្រទេសខ្ញុំ និងទី២ គឺដើម្បីប្រឆាំងនឹងគណៈកម្មការរៀបចំការប្រកួតកីឡាអូឡាំពិក ។គួររំលឹកដែរថា រហូតមកដល់ថ្ងៃប្រកួតទី៩ នេះកោះតៃវ៉ាន់ទើបតែទទួលបានមេដាយកីឡាអូឡាំពិកចំនួនមួយប៉ុណ្ណោះ គឺមេដាយប្រាក់លើវិញ្ញាសាលើកទម្ងន់ ស្ត្រីទម្ងន់៥៣គីឡូក្រាម ៕
អត្ថបទផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
