ខេត្តស្វាយរៀង ៖ មន្ត្រីពន្ធនាគារខេត្តម្នាក់បានស្លាប់ភ្លាមមួយរំពេចក្នុងហេតុ ការណ៍គ្រោះថ្នាក់ចរាចរណ៍រវាងរថយន្តកូរ៉េដឹកក្រួសបុកគ្នាជា មួយម៉ូតូវ៉េវអាល់ហ្វា កាលពីវេលាម៉ោង៤និង៤០នាទីរសៀលថ្ងៃទី៧ សីហា ២០១២ នៅចំណុចមុខហាងខារ៉ាអូខេតាថុន ស្ថិតក្នុងភូមិចុងព្រែក សង្កាត់សា្វយរៀង ក្រុងសា្វយរៀង។
ជនរងគ្រោះឈ្មោះព្រាប វិបុល អាយុ៤១ឆាំ្ន មានទីលំនៅក្នុងភូមិកើតហេតុជាមន្ដ្រីបម្រើការងារនៅក្នុងពន្ធនា គារខេត្ដស្វាយរៀង ជិះម៉ូតូម៉ាកវ៉េវអាល់ហ្វា។ ចំពោះហេតុការណ៍ខាងលើពុំមាននរណាមា្នក់អាចបញ្ជាក់ឱ្យបានច្បាស់ អំពីហេតុការណ៍ដំបូងដែលបណ្ដាលឱ្យកើតមានគ្រោះថា្នក់ចរាចរណ៍ នេះទេ ដោយសារមិនមានអ្នកបានឃើញជាក់ស្ដែង ដូច្នេះគេនៅមិនទាន់ដឹងថា ភាគីខាងណាជាអ្នកខុសនោះឡើយ ។ ប៉ុន្ដែក្រោយពីឮសំឡេងបុកគា្នប្រាវអ្នកស្រុកក៏ភ្ញាក់ផ្អើលនាំ គា្នរត់ចេញមកមើលឃើញរថយន្ដកូរ៉េ១តោនកន្លះដឹកក្រួសពេញឈប់នៅ មួយកន្លែង ឯអ្នកបើករថយន្ដនោះលោតចុះពីរថយន្ដរត់គេចខ្លួនបាត់ស្រមោល ចំណែកបុរសរងគ្រោះដេកស្លាប់នៅក្បែរម៉ូតូជិតនឹងរថយន្ដនោះដែរ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
