សប្ដាហ៍ដំបូងនៃកម្មវិធីប្រកួតបាល់បោះ Cambodia Basketball Challenge(CBC) ប្រចាំឆ្នាំ២០១២នឹងបើកឆាកឡើងថ្ងៃសៅរ៍ទី ១១សីហាចុងសប្ដាហ៍នេះហើយនៅ Beeline Arena ខាងកើតស្ពានជ្រោយចង្វា ចាប់ពីម៉ោង២រសៀលតទៅ។
នៅថ្ងៃបើកមុខកម្មវិធីជើងឯកដ៏ធំនាឆ្នាំដំបូង មួយនេះ មានការប្រកួត៤គូ។ ក្នុងនោះក្រុម Sabay ក្ដាមប្រៃ (Sabay Salty Crabs) ត្រូវប្រឈមមុខដាក់ក្រុម Mobitel XG Warriors នៅម៉ោង២រសៀល ពោលប្រកួតមុនគេ។
ទាក់ទិននឹងការចូលរួមស្វែងរកជើងឯកក្នុងកម្មវិធី ខាងលើនេះ ប្រធានក្រុម Sabay ក្ដាមប្រៃលោក Kim Kennethមានជំនឿចិត្តថា Sabay ក្ដាមប្រៃ នឹងមានវាសនាល្អក្នុងកម្មវិធីមួយនេះ។ Kim បន្ថែម “ពួកយើងសង្ឃឹមថា នឹងពួតដៃគ្នាបានល្អបំផុតគ្រប់ប្រកួត ហើយយើងគិតថាយើងនឹងធ្វើបានល្អ”។
Cambodia Basketball Challenge ឆ្នាំ២០១២ មានក្រុមចូលរួមសរុប៨ក្រុម រាប់បញ្ចូលទាំង Sabay ក្ដាមប្រៃ។ ក្រុមទាំង៨រួមមាន Sabay ក្ដាមប្រៃ, Mobitel XG Warriors, CCPL Heart, Seila Meas, HTPS Mike’s Burger Knights, Phnom Penh Dragons, Raid-Alaxan FR និង Team Sharky។ ការប្រកួតនឹងធ្វើឡើងវិលជុំ មុននឹងជម្រុះបន្ត។
កម្មវិធីប្រកួតថ្ងៃសៅរ៍ចុងសប្ដាហ៍នេះ
កីឡាបាល់បោះ ជាប្រភេទកីឡាដែលកំពុងស្រូបបានការគាំទ្រជាខ្លាំងនៅបរទេស ពិសេសសហរដ្ឋអាមេរិក។ ដោយឡែកកម្មវិធីបាល់បោះនៅកម្ពុជា Cambodia Basketball Challenge ត្រូវបានរៀបចំជាលើកដំបូងក្នុងឆ្នាំនេះ ក្រោមការចាប់ដៃរវាងក្រុមហ៊ុន Sabay និង Banzai។ ការប្រកួតនឹងធ្វើឡើងរាល់ចុងសប្ដាហ៍ ថ្ងៃសៅរ៍និងអាទិត្យ ១ថ្ងៃ៤ប្រកួតនៅ Beeline Arena ខាងកើតស្ពានជ្រោយចង្វា។ ប្រិយមិត្តអាចចូលរួមទស្សនាដោយសេរី ពោលមិនលក់សំបុត្រទេ៕
ប្រិយមិត្តអាចចូលទៅកាន់ Facebook Page របស់ Cambodia Basketball Challenge បានដោយចុចត្រង់នេះ!
អត្ថបទផ្ដល់ដោយ Sabay
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
