ភ្នំពេញ៖ នាពេលបច្ចុប្បន្ននេះ មានយុវវ័យភាគច្រើនតែងនិយម និយាយពាក្យថា បែកស្លុយ ដែលពួកគេ តែងនិយាយពាក្យនេះ ជាមួយនឹងមិត្តភក្តិ បែបលេងសើចដាក់គ្នា ឌឺដងគ្នាជាដើម ព្រោះគេគិតថា ពាក្យបែកស្លុយនោះ គឺសំដៅទៅលើ មនុស្សចូលចិត្តតែង ខ្លួនខុសពីគេ និងពិបាកមើលជាដើម នេះបើតាមគំនិតផ្សេងៗគ្នា របស់មនុស្សម្នាក់ៗ។ ហើយជាពិសេស ទៀតនោះ ក៏មានអ្នកលេងបណ្តាញ សង្គមហ្វេសប៊ុកមួយចំនួន ក៏បានបង្ហោះវីដេអូ នៃការផាត់មុខ របៀបបែកស្លុយនោះទៀតផង។
ដោយសារតែឃើញថា វីដេអូនៃការផាត់មុខរបៀបបែកស្លុយ កំពុងតែទទួលបាន ការពេញនិយម លោក ម៉ា ចាន់ណារ៉ា ក៏បានបង្កើតជាវីដេអូផាត់មុខ បែបបែកស្លុយផងដែរ ដែលមានរយៈពេលត្រឹម៣នាទី។
ចំពោះលោក ម៉ា ចាន់ណារ៉ា ជាអ្នកគ្រប់គ្រងហាង RooSter Kool បាននិយាយថា "សព្វថ្ងៃនេះ មានយុវវ័យមួយចំនួនចូលចិត្ត តែងខ្លួន ជាលក្ខណៈបែកស្លុយ ដូចជាស្លៀកឈុត សម្លៀកធំៗ រឺក៏អាចនិយាយឲ្យងាយស្តាប់ គឺសម្លៀកបំពាក់របស់ពួកគេ ពិតជាប្លែកខុសពីគេ។ ហើយមិនតែប៉ុណ្ណោះ ពួកគេក៏ចេះស្ទាយផាត់មុខរបស់ពួកគេ តាមបែបប្លែកៗ ផងដែរដូចជា គូសចិញ្ចើមក្រាស់ ផាត់ម្សៅក្រាស់ៗ ស និងលាបក្រែមបបូរមាត់ក្រហម ឆ្អិនឆ្អៅជាដើម។ ដូច្នេះខ្ញុំក៏បានបង្កើតជាវីដេអូកំសាន្តមួយ ដែលបង្ហាញពី ការផាត់មុខរបៀបបែកស្លុយ"។
បើនិយាយពីការតុបតែងមុខបែកស្លុយ លោក ម៉ា ចាន់ណារ៉ាបានប្រាប់ថា ក្នុងវីដេអូនោះ កញ្ញា នីណា ដែលជាបេក្ខភាព Cambodia Next top Model បានបង្ហាញ ពីវិធី២បែបក្នុងកា រផាត់មុខនោះ គឺផាត់មុខទី១ បែបក្រែមបបូរមាត់ក្រាស់ៗ និង ការផាត់មុខទី២ បែបមុខស្លេកៗ។ ជាពិសេស ការតុបតែងឲ្យចំបែកស្លុយ ក៏ត្រូវផ្តោតសំខាន់លើសក់ផងដែរ ដូចជា សក់សំពីងសំពោងជាដើម។
ក្នុងនោះដែរ អ្នកគ្រប់គ្រង ហាងRooSter Koolរូបនោះ បានឲ្យដឹងបន្ថែមថា "មូលហេតុ ដែលខ្ញុំ បានតាក់តែង ជាវីដេអូផាត់មុខ បែបស្លុយនេះឡើង មិនមែនខ្ញុំចង់បង្អាប់មើលងាយ ដល់ក្មេងៗជំនាន់ក្រោយ ដែលផាត់មុខបែបនេះនោះទេ គឺខ្ញុំគ្រាន់ចង់បង្ហាញឲ្យគ្រប់គ្នាបានដឹងថា ការតុបតែងបែបនេះ យើងអាចកែច្នៃទៅជា បែបFashionមួយទៀតតែប៉ុណ្ណោះ ដែលមើលទៅមានលក្ខណៈបែកស្លុយពិតមែន តែឡូយ នេះបើតាមគំនិតខ្ញុំ"។
ជាចុងក្រោយ លោក ម៉ា ចាន់ណារ៉ា ក៏បាននិយាយថា "មនុស្សម្នាក់ៗ អាចមានសិទ្ធក្នុងការ តុបតែងខ្លួន ទោះគេតែងយ៉ាងណា ក៏ស្ទាយផ្ទាល់ខ្លួនរបស់គេ យើងមិនអាចហាមឃាត់ ឲ្យគេ ត្រូវរៀបចំខ្លួនបែបនេះ បែបនោះ តាមយើងបានដែរ ប៉ុន្តែយើងអាចពន្យល់ ប្រាប់គេបានខ្លះៗបានថា គួរតែចេះរៀបចំខ្លួន កុំឲ្យហួសហេតុ និងខ្លាំងក្លាពេកទៅបានហើយ សំខាន់អាចចូលចំនោមគេចុះ"៕
តោះចង់ដឹងថា វិធីផាត់មុខ បែកស្លុយបែបណាដែរ តោះទស្សនាទាំងអស់គ្នា៖
ដោយ៖ កា
ខ្មែរឡូត
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]