រាជធានីភ្នំពេញ ៖ បុរសម្នាក់អះអាងថាខ្លួនជាអ្នកកាសែត«ពន្លឺជាតិ»បានឌុបមិត្តភក្តិចូល ទៅម៉ាស្សាហើយ ថតរូបនារីម៉ាស្សាម្នាក់ កំពុងតែដោះបៀលេង នាងសុំឲ្យលុប ចេញវិញ មិនព្រមលុប នាងក៏មិនព្រម ចាក់សោរម៉ូតូឲ្យវិញ បណ្ដាលឲ្យមានការប្រកែក គ្នារហូតភ្ញាក់ផ្អើលដល់ សមត្ថកិច្ចចុះមកអន្តរាគមន៍ ដែលហេតុការណ៍នេះកើតឡើងកាលពីវេលាម៉ោង១០ និង៣០នាទីយប់ ថ្ងៃទី២៧ វិច្ឆិកា ២០១៥ នៅចំណុចផ្ទះម៉ាស្សា កោសជប់ មួយកន្លែងតាមបណ្ដោយផ្លូវលេខ២៧១ ខាងត្បូងជាប់ស្ពាន អាកាសស្ទឹងមានជ័យ ស្ថិតក្នុងសង្កាត់ទំនប់ទឹក ខណ្ឌចំការមន ។
ប្រភពពីកន្លែងកើតហេតុបានឲ្យដឹងថា មុនពេលកើតហេតុគេឃើញបុរស២នាក់ជិះ ម៉ូតូ១គ្រឿង ម៉ាកហុងដា សេ១២៥ ពណ៌ខ្មៅ ពាក់ស្លាកលេខ ភ្នំពេញ 1FA-0147 បានជិះចូលផ្ទះកោសជប់ ម៉ាស្សា កន្លែងកើតហេតុ ដោយបុរសម្នាក់ចូលទៅក្នុងបន្ទប់ ដើម្បីកោសជប់ ឬក៏ម៉ាស្សាមិនដឹង ចំណែកបុរសម្នាក់ទៀត នៅខាងក្រៅ (មិនចូលកោសជប់ ឬម៉ាស្សាទេ) ហើយយកទូរស័ព្ទ ដៃមកថតរូបនារីម៉ាស្សាម្នាក់ ដែលកំពុងតែដោះបៀលេង ធ្វើឲ្យនារី នោះខឹង និងទាមទារឲ្យលុបរូបថត របស់នាងចេញវិញ ព្រោះនាងគ្រាន់តែ ដោះបៀធម្មតា មិនមែនលេង ល្បែងស៊ីសងទេ តែបុរសម្នាក់នោះមិនព្រម លុបចោលទេ ដោយអះអាងថាខ្លួនជា អ្នកកាសែតមានសិទ្ធិថត ។
ការប្រកែកគ្នាយូរទៅក៏កាន់តែខ្លាំងទៅៗ រហូតដល់បុរសម្នាក់ដែលចូលទៅកោសជប់ ឬម៉ាស្សាក្នុង បន្ទប់នោះចេញមកវិញ ក៏នៅតែមិន ព្រមចប់ទៀត ធ្វើឲ្យនារីម៉ាស្សាម្នាក់នោះខឹងកាន់តែខ្លាំង និងមិនព្រម ចាក់សោរម៉ូតូឲ្យវិញដោយនិយាយថា លុះត្រាតែលុបរូប ថតនាងចេញវិញទើប ចាក់សោរម៉ូតូឲ្យ ។
ការប្រកែកគ្នាកាន់តែខ្លាំងទៅៗរហូតភ្ញាក់ផ្អើលដល់សមត្ថកិច្ចប៉ុស្តិ៍ទំនប់ទឹកចុះមកអន្តរាគមន៍ និងសម្របសម្រួល ព្រមទាំងឲ្យនារី ម៉ាស្សាម្នាក់នោះចាក់សោរម៉ូតូ ឲ្យបុរសដែលអះអាងថា ជាអ្នកកាសែត«ពន្លឺជាតិ»ត្រឡប់ទៅវិញបញ្ចប់រឿង កុំឲ្យមានបញ្ហា វែងឆ្ងាយតទៅទៀត ។
ប្រភពនៅកន្លែងកើតហេតុបានឲ្យដឹងទៀតថា បុរសម្នាក់ដែលអះអាងខ្លួនថាជាអ្នកកាសែត«ពន្លឺជាតិ»នោះពិតជាមានចេតនា ចង់រករឿងគេតែម្តង ព្រោះចូលមកកន្លែង កោសជប់ ម៉ាស្សា តែបែរជាមិនចូលកោសជប់ ឬម៉ាស្សាទេ ថាមិនចូលក៏ហីចុះ អាចអង្គុយចាំ មិត្តភក្តិបាន ចុះហេតុអ្វីបានជាថតរូបគេ ដោយគ្មានការអនុញ្ញាតិចឹង ហើយគេសុំឲ្យលុបវិញមិន ព្រមលុបទៀត ។ តើអ្នកកាសែតមាន សិទ្ធិគ្រប់យ៉ាងបែបនេះមែនទេ? ចូលទៅថតគេ ដល់ក្នុងផ្ទះហើយ និយាយថា ខ្ញុំអ្នកកាសែត ខ្ញុំមានសិទ្ធិថត តើច្បាប់អ្នកកាសែត មានសិទ្ធិចូលថត ដល់ក្នុងផ្ទះគេ ទាំងគេគ្មានកំហុសអ្វីសោះមែនដែរទេ ឬក៏គ្រាន់តែអង្គុយដោះ បៀម្នាក់ឯងខុសដែរមែនទេ?...។ល។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
