ខេត្តបន្ទាយមានជ័យ ៖ ស្ត្រីម្នាក់បានស្លាប់ក្បែររថយន្តម៉ាកកាមរីឆ្លាមតែម្នាក់ឯង បន្ទាប់ពីជួបគ្រោះថ្នាក់ចរាចរណ៍ រថយន្តរេចង្កូត ក្រឡាប់ធ្លាក់ពីលើថ្នល់ នៅក្រុងសិរីសោភ័ណ ។
គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៦ព្រឹក ថ្ងៃទី២៦ វិច្ឆិកា ២០១៥ នៅលើកំណាត់ផ្លូវជាតិលេខ៦ ក្នុងភូមិសាស្ត្រខាងកើតភូមិសាលាក្រៅ ចម្ងាយ១០ម៉ែត្រ ក្នុងសង្កាត់ភ្នៀត ក្រុងសិរីសោភ័ណ ។
តាមនគរបាលចរាចរណ៍ខេត្តបានឲ្យដឹងថា សពជនរងគ្រោះ ត្រូវបានគេស្គាល់ឈ្មោះ សូ សុផល ភេទស្រី អាយុ៥២ឆ្នាំ នៅភូមិរោងម៉ាស៊ីន សង្កាត់អូរអំបិល ក្រុងសិរីសោភ័ណ ។
ប្រភពដដែលបានបញ្ជាក់ថា តាមការឲ្យដឹង អ្នកបើកបរអាចនឹងរងរបួសធ្ងន់ រួមទាំងអ្នករួមដំណើរម្នាក់ទៅ២នាក់ផងដែរ តែត្រូវបានគេជួយសង្គ្រោះដឹក យកទៅមន្ទីរពេទ្យអស់មុនពេល សមត្ថកិច្ចទៅដល់កន្លែងកើតហេតុ គឺឃើញតែសពស្ត្រីម្នាក់ ដេកស្លាប់នៅក្បែររថយន្តប៉ុណ្ណោះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]