រាជធានីភ្នំពេញ ៖ នគរបាលការិយាល័យព្រហ្មទណ្ឌកម្រិតធ្ងន់រាជធានីភ្នំពេញ ប៉ុន្មានថ្ងៃមុននេះ បានឃាត់ខ្លួនមុខ សញ្ញាជាក្រុមចោរលួចរថយន្តចំនួន៥នាក់ និងធ្វើការដកហូតរថយន្ត បានមកវិញចំនួន៣គ្រឿង ។
ជនសង្ស័យទាំង៥នាក់ ១-ឈ្មោះសុខ ចំរើន ហៅណន អាយុ១៨ឆ្នាំ មានទីលំនៅផ្ទះគ្មានលេខ ផ្លូវលំ សង្កាត់ឃ្មួញ ខណ្ឌសែនសុខ ២-ឈ្មោះជា សំណាង អាយុ១៩ឆ្នាំ មានទីលំនៅផ្ទះជួលផ្លូវលំ សង្កាត់ទឹកល្អក់៣ ខណ្ឌទួលគោក ៣-ឈ្មោះទូច ចន្ថា អាយុ៣៥ឆ្នាំ ជាអ្នករត់ម៉ូតូឌុប មានទីលំនៅផ្ទះលេខ៣៣ ផ្លូវ៥៣ សង្កាត់ផ្សារថ្មី១ ខណ្ឌដូនពេញ ៤-ឈ្មោះឃិន សាមុត អាយុ២២ឆ្នាំ ជាអ្នករត់ម៉ូតូឌុប មានទីលំនៅផ្ទះលេខ២២ ផ្លូវ៥៣ សង្កាត់ផ្សារថ្មី១ ខណ្ឌដូនពេញ និង៥-ឈ្មោះប្រឹង ធី ជាអ្នករត់ម៉ូតូ អាយុ៤៥ឆ្នាំ មានទីលំនៅផ្ទះជួល ក្នុងភូមិព្រែកហូរ ឃុំតាខ្មៅ ខេត្តកណ្តាល ។
រថយន្ត៣គ្រឿង ដែលត្រូវចោរលួចមាន១គ្រឿងម៉ាកToyota Rav4 ពណ៌ក្រហម ពាក់ស្លាកលេខភ្នំពេញ2M-0864 លួចនៅចំណុចផ្ទះលេខFo3 ផ្លូវសហព័ន្ធរុស្ស៊ី ភូមិព្រៃទា បុរីញូថោន សង្កាត់ចោមចៅ ខណ្ឌពោធិ៍សែនជ័យ កាលពីថ្ងៃទី៥ កក្កដា ២០១៥ វេលាម៉ោង២រំលងអធ្រាត្រ មានម្ចាស់ឈ្មោះវង់ សាវតុង ភេទប្រុស អាយុ៣៤ឆ្នាំ ជនជាតិចិន មានទីលំនៅខាងលើ ជាអ្នកលក់គ្រឿងសង្ហារឹម ។
ទី២-រថយន្តម៉ាក Toyota Highlander ពណ៌ខ្មៅ ស៊េរី២០០១ ពាក់ស្លាកលេខភ្នំពេញ 2T-6567 លួចនៅចំណុចមុខក្រុមហ៊ុន MSJASEA សេវាសន្តិសុខឯកជន ស្ថិតនៅផ្ទះលេខ M16 ផ្លូវបេតុង បុរីញូវថោន ភូមិព្រៃទា សង្កាត់ចោមចៅ ខណ្ឌពោធិ៍សែនជ័យ កាលពីថ្ងៃទី០២ តុលា ២០១៥ មានម្ចាស់ឈ្មោះសុភ័ណ្ឌ សុភក្ត្រ ភេទប្រុស អាយុ២១ឆ្នាំ មានទីលំនៅកន្លែងកើតហេតុខាងលើ ។
ទី៣-រថយន្តម៉ាក Camry ឆ្លាម ពណ៌ខ្មៅ ពាក់ស្លាកលេខភ្នំពេញ 2G-5795 លួចនៅចំណុចមុខផ្ទះ 319A ក្នុងភូមិប្ញស្សី សង្កាត់ស្ទឹងមានជ័យ ខណ្ឌមានជ័យ ។
ជនសង្ស័យត្រូវបានសមត្ថកិច្ចកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ ដើម្បីចាត់ការតាមច្បាប់ ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]