ភ្នំពេញ៖ ក្រុមហ៊ុន LG Electronics និងក្រុមហ៊ុន G Gear បានប្រារព្ធនូវពិធីសម្ពោធ សាខាថ្មីមួយទៀតគឺសាខា LG BRANDSHOP ខេមកូស៊ីធី នៅក្នុងរាជធានីភ្នំពេញ ដោយកម្មវិធីនេះ បានធ្វើឡើងកាលពីព្រឹកថ្ងៃទី១៣ ខែវិច្ឆិកា ឆ្នាំ២០១៥ នៅអគារលេខ ០៦-០៧ ផ្លូវឧកញ៉ា ម៉ុង ឬទ្ធី។
ដោយសារតែមានតម្រូវការ កាន់តែច្រើននិងដើម្បី បម្រើសេវាកម្មជូនដល់ អតិថិជនទាំងអស់ឲ្យកាន់តែ មានភាពងាយស្រួល និងសំបូរបែបថែមទៀត ក្រុមហ៊ុន G Gear និងក្រុមហ៊ុន LG Electronics បានបើកបន្ថែមនូវសាខា LG BRANDSHOP ថ្មីមួយទៀត នៅតំបន់ខេមកូស៊ីធី ក្នុងរាជធានីភ្នំពេញ។
សាខាថ្មីនេះគឺជា សាខាទី៦ ហើយបន្ទាប់ពីយើងទទួលជោគជ័យ ក្នុងការបើកសាខាចំនួន ៥មកហើយ ដែលមានទីតាំងស្ថិតនៅ រាជធានីភ្នំពេញ (មហាវិថីព្រះមុនីវង្ស) ខេត្តសៀមរាប ខេត្តបាត់ដំបង ខេត្តកំពង់ចាម និងខេត្តកំពង់សោម។ LG BRANDSHOP សាខាខេមកូស៊ីធីថ្មីនេះ គឺមានការដាក់បង្ហាញ និងលក់នូវរាល់ផលិតផលរបស់ LG ទាំងអស់ដែលមានដូចជា ទូរទស្សន៍ ម៉ាស៊ីនត្រជាក់ ទូរទឹកកក ម៉ាស៊ីនបោកសម្លៀកបំពាក់ ឧបករណ៍បំពងសម្លេង ទូរស័ព្ទដៃ និងគ្រឿងអេឡិចត្រូនិក ជាច្រើនផ្សេងទៀត ដែលសុទ្ធសឹងតែជា ផលិតផលទំនើបៗ និងម៉ូដែលថ្មីៗ ចុងក្រោយគេបង្អស់របស់ LG។ បន្ថែមជាងនេះទៀត សាខាថ្មីនេះក៏មានបម្រើ ផ្នែកសេវាកម្មជួសជុល ថែទាំង និងផ្តល់ប្រឹក្សាអំពីការប្រើប្រាស់ ផលិតផលរបស់ LG ផងដែរ។
នាក្នុងឱកាសនេះ លោកឧកញ៉ា សុខ ពិសិដ្ឋ អគ្គនាយកក្រុមហ៊ុន G Gear បានមានប្រសាសន៍ថា “មូលហេតុដែលក្រុមហ៊ុន យើងខ្ញុំធ្វើការបើកសម្ពោធសាខា LG Brandshop ទី៦នេះគឺដោយសារតែ កន្លងមកក្រុមហ៊ុនទទួលបានភាពជោគជ័យ លើការបើកសម្ពោធសាខាមុនៗ ហើយក៏ស្របពេលនឹង តម្រូវការគ្រឿងអេឡិចត្រូនិក មានការកើនឡើងនៅក្នុង រាជធានីភ្នំពេញ ជាពិសេសនៅក្នុងខណ្ឌ ឬស្សីកែវ នេះតែម្តង។ តាមរយៈការបើកសម្ពោធសាខា LG Brandshop នេះ ក្រុមហ៊ុនយើងខ្ញុំ សង្ឃឹមយ៉ាងជឿជាក់ ថាសាខាថ្មីនេះនឹងអាចបំពេញ តម្រូវការជូនអតិថិជនបាន គ្រប់គ្រាន់ផងដែរ”។
លោក Bong Soak Kim អគ្គនាយកក្រុមហ៊ុន LG ប្រចាំប្រទេសកម្ពុជា ក៏បានមានប្រសាសន៍ដែរថា “ក្នុងនាមជាម៉ាកដែលនាំមុខគេ ក្នុងពិភពលោក យើងខ្ញុំតែងតែផ្តោតការយកចិត្តទុកដាក់ ខ្ពស់ក្នុងការផ្តល់នូវបទពិសោធន៍ថ្មីៗ ជានិច្ចសម្រាប់អតិថិជនរបស់យើង។ យើងខ្ញុំមិនត្រឹមតែផលិត បាននូវផលិតផលទំនើបៗដូចជា LG Cinema 3D, OLED TV និង Ultra HD Tvs, ទូរស័ព្ទស្មាតហ្វូន LG G4 រួមទាំងសំភារៈប្រើប្រាស់ក្នុងផ្ទះទំនើបៗ ប៉ុណ្ណោះនោះទេ យ៉ាងណាមិញ វត្តមានរបស់ហាង LG Brandshop នឹងផ្តល់ឲ្យអតិថិជនកម្ពុជា អាចធ្វើការមកទស្សនា និងធ្វើតេស្តសាកល្បង មើលផលិតផលអមទៅដោយ បរិយាកាសដ៏មានផាសុកភាព ដែលអាចឆ្លើយតបទៅនឹង តម្រូវការរបស់អតិថិជនគ្រប់ៗគ្នា”។
ដើម្បីអបអរក្នុងឱកាសបើកសម្ពោធនេះ ក្រុមហ៊ុនក៏បានរៀបចំឲ្យមាន នូវកម្មវិធីលក់បញ្ចុះតម្លៃ យ៉ាងពិសេសសម្រាប់រាល់ការជាវផលិតផល LG ពីសាខា LG BRANDSHOP ខេមកូស៊ីធី ដែលមានរយៈពេល ៣ថ្ងៃ ចាប់ពីថ្ងៃទី១៣ ដល់ថ្ងៃទី១៥ ខែវិច្ឆិកានេះ។ រាល់ផលិតផលរបស់ LG BRANDSHOP គឺជាផលិតផលសុទ្ធ ដែលមានការធានាក្នុងការ ជួសជុលនិងត្រួតពិនិត្យត្រឹមត្រូវ៕
បញ្ចូលអត្ថបទដោយ៖ សុជាតិ
ខ្មែរឡូត
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
