ភ្នំពេញ៖ អ្នកនាង ពេជ្រ សោភា ជាមនុស្សម្នាក់ល្បីល្បាញ រឿងមិនសូវចុះសម្រុង ជាមួយអ្នកដទៃ ពោលនាងជា មនុស្សត្រង់ មិនសូវចេះលាក់អារម្មណ៍ឡើយ។ ពេជ្រ សោភា មិនចូលចិត្តបុគ្គលណា ឬនរណាធ្វើអ្វីឲ្យនាង មិន សប្បាយចិត្ត អ្នកនោះនឹងត្រូវនាង តបតភ្លាម មិនរង់ចាំស្អែក ។ កាលពីម្សិលមិញ អ្នកនាងបានបង្ហាញអារម្មណ៍ មិនសូវល្អក្នុងបណ្ដាញសង្គមថា «សុំទោស ដែលនិយាយមិនល្អ ដាក់ប្រុសម្នាក់ ជាអ្នកដឹកនាំសម្ដែង កាលពីមុនចង់ និយាយថា ប្រយ័ត្នខ្ញុំហែកដល់ករ គឺដើរចេញ តែសុំនិយាយការពិតសិនហើយ មនុស្សខ្ញុំស្រួលណាស់..»។
ពាក្យសម្ដី ពេជ្រ សោភា ប៉ុន្មានឃ្លា ហាក់បានឲ្យដឹងថា នាងខឹងខ្លាំងណាស់ ព្រោះកម្រនិយាយសម្ដីបែបនេះ ណាស់ ទាល់ តែទ្រាំលែងបាន ទើបនិយាយសម្ដីបែបនេះចេញ ។ ការនិយាយនេះ គឺចង់សំដៅលើអ្នកដឹកនាំសម្ដែង ដែល ស្និទ្ធស្នាលនឹង ពេជ្រ សោភា ហើយត្រូវគេដឹងថា មានតែពីរបីនាក់ប៉ុណ្ណោះ ។ តែគេមិនដឹងថា ជានរណានោះទេ ដែលនាង ឆេះដុំដល់ម្ល៉ឹង។ តារាចម្រៀង ពេជ្រ សោភា បើគិតមកដល់ពេលនេះ ភាពល្បីល្បាញរឿងមិនត្រូវគ្នា ជាមួយ អ្នកសិល្បៈជាច្រើនដូចជា កុល ដាវី ទេព បូព្រឹក្ស តារាហ្វេសប៊ុក PeyPey DY និងធ្លាប់មានជំលោះ ជាមួយនាង ឌួង ហ្សូរីដា កាលពីឆ្នាំ ២០១២ រឿងទៅច្រៀងបុណ្យសមុទ្រ ។
ចំណែកឯប្រុសៗ មានដូចជាលោក នៅ ស៊ីនឿន លោក ណុប បាយារិទ្ធ ប៉ុន្តែនាងចេះ បែងចែកអារម្មណ៍ បានល្អ ណាស់ពេលធ្វើការជាមួយ ណុប បាយារិទ្ធ ហាក់ដូចជាគ្មានរឿងអ្វីកើតឡើង ពិសេសក្នុងកម្មវិធី«The voice Cambodia» មើលមិនដឹងថា អ្នកនាងមានបញ្ហាជាមួយគ្នានោះទេ ។
អ្នកនាង ពេជ្រ សោភា មិនអាចទាក់ទង សុំការបំភ្លឺបានទេ ថានាងចង់ហែកអ្នកដឹកនាំសម្ដែងរូបណា តែបើមានរឿង បែបនេះកើតឡើងមែន ពេជ្រ សោភា ពិតជាមានឈ្មោះល្បីល្បាញ រឿងមិនចុះសម្រុងជាមួយ អ្នកដទៃកាន់តែច្រើន ។ តែនាងក៏មានអ្នកស្រឡាញ់ចូលចិត្តច្រើនដែរ ព្រោះកំពុងល្បីល្បាញក្នុងបទចម្រៀង «ត្រូលស្រីស្អាត» ហើយតំណែង គ្រូបង្វឹក ក៏មិនបានរបូតពីដៃឡើយ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
