ខេត្តកំពង់ធំ ៖ បុរសម្នាក់បានស្លាប់នៅនឹងកន្លែង ខណៈកំពុងដើរឆ្លងផ្លូវត្រូវរថយន្ដក្រុងបុកកាលពីវេលាម៉ោង៩និង ៤៥នាទីព្រឹកថ្ងៃទី៣ សីហា ២០១២ ស្ថិតក្នុងភូមិត្នោត ឃុំកំពង់ចិនជើងស្រុកស្ទោង ។
ជនរងគ្រោះស្លាប់បាត់បង់ជីវិតឈ្មោះលីវ សារឿន ភេទប្រុស អាយុ៣៨ឆ្នាំ រស់នៅភូមិសំរោង ឃុំសាមគ្គី ស្រុកប្រាសាទបល្ល័ង្ក។ ចំណែកអ្នកបើកបររថយន្ត បន្ទាប់ពីកើតហេតុដាក់មេប្រូចបិទសាប៊ូគូទរត់បាត់ស្រមោល។
តាមប្រភពព័ត៌មានឱ្យដឹងថា មុនពេលកើតហេតុ គេឃើញជនរងគ្រោះដើរឆ្លងថ្នល់ ក្នុងសភាពត្រែតត្រតទំនងជាស្រវឹងផងនោះ លុះដើរដល់ពាក់កណ្ដាលទ្រូងផ្លូវ ស្រាប់តែឃើញរថយន្ដក្រុងបើកក្នុងល្បឿនលឿនមកជិតដល់ក៏ស្ទុះងាក ដើរត្រឡប់ក្រោយ ទើបត្រូវរថយន្ដបុកស្លាប់តែម្ដងទៅ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
