ជនបរទេសម្នាក់ ស្រវឹងស្រាជោក បើករថយន្ដទៅបុក ការដ្ឋានសំណង់ បុរីពិភពថ្មី

ភ្នំពេញ៖ មន្ដ្រីនគរបាលនិយាយថា បុរសម្នាក់ ស្ថិតក្នុងសភាពស្រវឹងជោគ បានបើករថយន្ដ ម៉ាកមីត ស៊ុយ ប៉ីស៊ី ស៊េរីទំនើប របស់ខ្លួនទៅបុកចូលក្នុងបុរីពិភពថ្មី បែកកង់មុខទាំង២ ទៅមុខលែងរួច ដេកក្នុងរថយន្ដ របស់ខ្លួនធ្វើ ព្រងើយ។

ប្រភពបានរាយការណ៍ឲ្យដឹងថា ហេតុការណ៍នេះ បានកើតឡើងកាលពីវេលា ម៉ោង៤និង ២០នាទី ទៀបភ្លឺ នៅ តាមបណ្ដោយផ្លូវ ណតប្រ៊ីត ក្នុងភូមិស្លែងរលើង សង្កាត់ទឹកថ្លា ខណ្ឌ សែនសុខ ។

តាមប្រភពបានបញ្ជាក់ឲ្យដឹងទៀតថា បុរសដែលបើករថយន្ដ បុកការដ្ឋាន សំណង់ បុរីពិភពថ្មីនោះ ជនជាតិ បរទេស គ្មានចេះខ្មែរមួយម៉ាត់ ក្រោយមានការអន្ដរាគមន៍ ពីបក្ខពួករបស់ជនបង្កររូបនេះ ពួកគេសុខចិត្ដទទួល ចេញសងថ្លៃ ការខូចខាតគ្រប់យ៉ាង ជាការបញ្ចប់រឿង៕

ដោយៈជួន សុជាតិ

ផ្តល់សិទ្ធដោយ ដើមអម្ពិល