ស្នាមខ្មៅតូចៗ នៅលើមុខ ជាបញ្ហាធំចំបង សម្រាប់នារីៗគ្រប់រូប ដែលវាធ្វើឲ្យបាត់បង់សម្រស់ ក្នុងមួយពព្រិចភ្នែក។ ចំពោះស្នាមខ្មៅៗលើមុខនោះ អាចកើតមានឡើង ដោយសារ ការជះពន្លឺព្រះអាទិត្យខ្លាំងពេក ការកើតមុន រឺក៏ជម្ងឺស្បែកផ្សេងៗទៀតជាដើម។ ប៉ុន្តែទោះបីជាមានបញ្ហានេះ កើតឡើងលើផ្ទៃមុខរបស់អ្នកក៏ដោយ ក៏មានវិធីធម្មជាតិមួយចំនួន អាចដោះស្រាយបានផងដែរ៖
១) ទឹកក្រូចឆ្មារ៖ ទឹកក្រូចឆ្មារ អាចកម្ចាត់ភាពខ្មៅ លើផ្ទៃមុខ ឲ្យត្រឡប់មកជា សស្អាតវិញបាន។ ចំពោះលក្ខណៈសម្បត្តិ នៃទឹកក្រូចឆ្មារ ដែលអាចធ្វើឲ្យស្បែកសបាននោះ គឺមកពីវាមាន ជាតិអាស៊ីតម្យ៉ាង ឈ្មោះថា Ascorbic ។
វិធីអនុវត្ត៖ បន្តក់ទឹកក្រូចឆ្មារ លើដុំសំលី ហើយយកមកជូតត្រដុស លើចំនុចដែល មានស្នាមខ្មៅលើមុខនោះ។ បន្ទាប់មកទុកចោលប៉ុន្មាននាទី និងលាងទឹកចេញ។ ព្យាយាមអនុវត្តវិធីនេះនៅផ្ទះ ឲ្យបានយ៉ាងតិច ២សប្តាហ៍ អ្នកនឹងឃើញលទ្ធផលគួរជាទីគាប់ចិត្ត។
២) ប័រទឹកដោះគោ( ButterMilk) ៖ អាស៊ីត Lactic ដែលមានក្នុងប័រទឹកដោះគោ គឺល្អចំពោះស្បែកយ៉ាងខ្លាំង ដែលវាអាចជួយកច្ចាត់ចេញស្នាមខ្មៅ នៅលើផ្ទៃមុខ។
វិធីអនុវត្ត៖ យកសំលី ទៅជ្រលក់ប័រទឹកដោះគោ រួចលាបនៅកន្លែងដែលស្នាមខ្មៅ លើមុខនោះ ហើយទុកចោល ២ ទៅ៣នាទី ចាំលាងទឹកចេញ។ ប៉ុន្តែប្រសិនបើស្បែកមុខ របស់អ្នកមានជាតិខ្លាញ់ ឬក៏មុន អ្នកអាចបន្ថែមជាមួយ ទឹកក្រូចឆ្មារ ចូលជាមួយប័រទឹកដោះគោបាន។ ព្យាយាមអនុវត្តវិធីនេះ ២ដងជាប្រចាំថ្ងៃ អ្នកនឹងទទួលបាន លទ្ធផលដ៏ល្អបំផុត។
៣) ប្រទាលកន្ទុយក្រពើ៖ ចំពោះប្រទាលកន្ទុយក្រពើ ត្រូវបានគេយកមកប្រើប្រាស់ ដើម្បីព្យាបាល ទៅលើស្ថានភាពស្បែក រាប់ពាន់ឆ្នាំមកហើយ។ បើនិយាយពី ប្រយោជន៍របស់ប្រទាលកន្ទុយក្រពើ គឺវាអាចធ្វើការលើ បញ្ហាស្នាមខ្មៅ លើមុខបានយ៉ាងល្អ ដោយជួយស្បែក ឲ្យបង្កើតកោសិកាថ្មី។
វិធីអនុវត្ត៖ យកជែលទន់ៗ របស់ប្រទាលកន្ទុយក្រពើ មកបិទលើស្បែករបស់អ្នក ហើយម៉ាស្សាលើមុខថ្នមៗ។ បន្ទាប់មកទុកវាចោល រយៈពេល៣០នាទី មុនពេលលាងសម្អាតចេញ ជាមួយទឹកក្តៅឧណ្ឌៗ។
៤) សំបកក្រូច៖ សំបកក្រូច ជួយឲ្យស្បែកភ្លឺស្រស់ថ្លាបាន សម្អាតបញ្ហាកើតមុន និងស្នាមជាំផងដែរ។ បន្ថែមពីនេះ សំបកក្រូច សម្បូរទៅដោយវីតាមីន C និងសារធាតុប្រឆាំងនឹង អុកស៊ីតកម្ម ដែលអាចជួយឲ្យស្បែកម៉ត់រលោងបាន។
វិធីអនុវត្ត៖ លាយម្សៅសំបកក្រូច ២ស្លាបព្រាបាយ ជាមួយទឹកឃ្មុំ១ស្លាបព្រាកាហ្វេ និងទឹកដោះគោជូរ។ បន្ទាប់មក លាបសារធាតុទាំងអស់នោះ ត្រង់ស្នាមខ្មៅនៅលើផ្ទៃមុខ។ រួចទុកចោល១០ទៅ១៥នាទី មុនពេលលាងចេញ។ ព្យាយាមអនុវត្តវិធីនេះ ឲ្យបាន២ ទោ៣ដង ក្នុងមួយសប្តាហ៍ ដើម្បីទទួលបានលទ្ធផលល្អ។
៥) ប្រេងល្ហុងខ្ញែរ៖ ប្រេងល្ហុងខ្ញែរ មានសមត្ថភាពក្នុងការធ្វើឲ្យស្បែកខ្មៅ ត្រឡប់មកជាស្បែកសស្អាតវិញ។ ចំពោះប្រេងល្ហុងខ្ញែរនេះ ផ្ទុកនូវសារធាតុប្រឆាំងនឹងអុកស៊ីតកម្ម ដែលអាចឲ្យស្បែកភ្លឺចែងចាំងបាន។
វិធីអនុវត្ត៖ បន្តក់ប្រេងល្ហុងខ្ញែរ ២ ៣តំណក់ លើសំលី បន្ទាប់មក លាបលើកន្លែង ដែលមានស្នាមខ្មៅនោះ ហើយអ្នកអាច ម៉ាស្សាមុខថ្នមៗ រយៈពេល២ទៅ៣នាទី។ រួចទុកចោល ២ទៅ៣ម៉ោង ចាំលាងទឹកចេញ៕
ប្រភព បរទេស
ដោយ៖ កា
ខ្មែរឡូត
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]