រាជធានីភ្នំពេញ ៖ រថយន្តរបស់តារាសំដែងជើងចាស់ ចាន់ តារាទី ត្រូវបុរសម្នាក់ជិះម៉ូតូ ក្នុងស្ថានភាពស្រវឹង ជោគរេពេញផ្លូវទៅ បុកចំពីមុខ ដែលហេតុការណ៍គ្រោះ ថ្នាក់ចរាចរណ៍នេះបានកើតឡើង កាលពីវេលាម៉ោង៨ និង៣០នាទីយប់ ថ្ងៃទី២០ តុលា ២០១៥ តាមបណ្តោយផ្លូវបេតុង ជិតស្ពានដែកស្ទឹងមានជ័យ ស្ថិតក្នុងសង្កាត់បឹងទំពុន ខណ្ឌមានជ័យ ។
ប្រភពពីកន្លែងកើតហេតុបានឱ្យដឹងថា មុនពេលកើតហេតុ គេឃើញតារាសំដែង ជើងចាស់ អ្នកនាង ចាន់ តារាទី បើករថយន្តមួយ គ្រឿងម៉ាកឡិចស៊ីស RX300 ពណ៌ខ្មៅ ពាក់ស្លាកលេខ ភ្នំពេញ 2R-2133 តាមបណ្តោយផ្លូវ៣៧១ ពីជើងទៅត្បូង លុះជិតដល់ស្ពានដែកស្ទឹង មានជ័យក៏បត់ឆ្វេង ខណៈនោះស្រាប់តែបុរស ម្នាក់ជិះម៉ូតូ១គ្រឿងម៉ាកហុងដាឌ្រីម សេ១២៥ ពណ៌ខ្មៅ ស៊េរីឆ្នាំ២០១៥ ពាក់ស្លាកលេខ ភ្នំពេញ 1CY-1138 ក្នុងស្ថានភាព ស្រវឹងរេពេញផ្លូវ ហើយក៏មកបុករថយន្តរបស់ តារាសំដែងជើងចាស់ រូបនេះចំពីមុខយ៉ាងពេញ ទំហឹងតែម្តង ។
ប្រភពបន្តទៀតថា ភ្លាមៗនោះគេឃើញ អ្នកនាង ចាន់ តារាទី ចុះពីលើរថយន្តមើលរថយន្ត របស់គាត់ខូចខាត និងកំពិតធុងទឹក ក៏ទារសំណង ១០០ដុល្លារពីបុរស ស្រវឹងស្រារូបនោះ តែដោយបុរសស្រវឹង ស្រារូបនោះថាអត់មានលុយ និងជជែកគ្នាអស់ រយៈពេលប្រហែលជា៣០នាទី មិនត្រូវគ្នា ក៏ហៅសមត្ថកិច្ចមក យកទាំងម៉ូតូ ទាំងរថយន្តទៅរក្សាទុកនៅ អធិការដ្ឋាននគរបាល ខណ្ឌមានជ័យ ដើម្បីដោះស្រាយគ្នា នៅពេលក្រោយ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
