រាជធានីភ្នំពេញ ៖ ជនខិលខូចម្នាក់ដែលតែងតែបន្លំខ្លួនធ្វើជាភ្ញៀវចូលហូបការ និងតែងតែបន្លំយកម៉ូតូភ្ញៀវបានសម្រេចជាញឹកញាប់ ហើយគេចខ្លួនរួចរហូតនោះពេលនេះយីអ៊ុនដាក់ត្រូវអស់លក្ខណ៍ ខណៈកំពុងធ្វើសកម្មភាពបន្លំយកម៉ូតូភ្ញៀវចេញពីកន្លែងមង្គលការមួយកន្លែងក៏ត្រូវនគរបាលការពារនៅទីនោះចាប់ខ្លួនបានតែម្តង ។
ហេតុការណ៍នោះបានកើតឡើងកាលពីវេលាម៉ោង៧និង៣០នាទីយប់ថ្ងៃទី១៧ កុម្ភៈ ២០១២ នៅកន្លែងផ្ញើម៉ូតូពិធីមង្គលការមួយ ស្ថិតក្នុងភូមិប៉ប្រកខាងត្បូង សង្កាត់កាកាប ខណ្ឌពោធិ៍សែនជ័យ ។ ភ្ញៀវត្បាញអាយដែលចូលទៅហូបការគេ ដោយគ្មានអ្នកអញ្ជើញហើយប៉ងលួចម៉ូតូនោះឈ្មោះសួង វុទ្ធី ភេទប្រុស អាយុ២៦ឆ្នាំ មានទីលំនៅភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ ។
ជននេះបានជិះម៉ូតូរបស់ខ្លួន១គ្រឿងម៉ាកសាន់ យ៉ាន់ ពណ៌ក្រហម អត់ស្លាកលេខ ដ៏កញ្ចាស់យកទៅដាក់នៅកន្លែងផ្ញើក្នុងពិធី លុះពេលចេញពីតុហូប បែរជាទៅបន្លំយកម៉ូតូមួយគ្រឿងម៉ាកហុងដា C125 ស៊េរី២០១១ ពណ៌ខ្មៅ ជាកម្មសិទ្ធិរបស់បុរសឈ្មោះជិន សុខុម អាយុ៥០ឆ្នាំ ស្នាក់នៅភូមិត្រពាំងល្វា សង្កាត់កាកាប ខណ្ឌពោធិ៍សែនជ័យ តែត្រូវនគរបាលឃើញទាន់ក៏ចាប់ខ្លួនតែម្តង៕
ផ្តល់សិទ្ធដោយ កោះសន្តិភាព
សូមប្រិយមិត្តទាំងអស់ជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
