សហគ្រាសសង្គមកម្ពុជា (Social Enterprise Cambodia) និង Impact Hub ភ្នំពេញ សហការជាមួយ សែលកាត ធ្វើដំណើរទៅកាន់ ខេត្តព្រះសីហនុដើម្បី បង្កើត អាជីវកម្មថ្មី ក្នុងរយៈពេល 56 ម៉ោង
ភ្នំពេញ៖ ក្នុងគោលបំណងបំផុសការយល់ដឹង និងលើកទឹកចិត្តចំពោះ សហគ្រិនភាព សង្គមពលរដ្ឋខ្មែរ សហគ្រាស សង្គមកម្ពុជា និង Impact Hub ភ្នំពេញ រួមសហការ ជាមួយ ក្រុមហ៊ុន សែលកាត បានបង្កើត គំនិតផ្តួចផ្តើមសហគ្រិនភាពសង្គម ដែលជាសិក្ខា សាលាមាន 5 វគ្គ ដើម្បីបង្ហាញ ដល់សិក្ខាកាម ដែលបានចូលរួម ទាំងអស់ឲ្យយល់អំពីរបៀប ធ្វើអាជីវកម្ម និងផ្លាស់ប្តូរគំនិត គ្នាទៅវិញទៅមក ក្នុងការដំណើការអាជីវកម្ម មួយឲ្យបានជោគជ័យ។
ក្នុងគោលបំណងដើម្បីជំរុញ ឲ្យសិក្ខាកាមខ្មែរទាំងអស់ ទទួលបានអត្ថប្រយោជន៍ ចំបងៗ ពីវាគ្មិនខ្មែរ ដែលមានបទពិសោធន៍ និងទទួលបានជោគជ័យ លើអាជីវកម្មកន្លងមក សហគ្រាស សង្គមកម្ពុជា ផ្តល់ជូនកិច្ចពិភាក្សា និងបទបង្ហាញទាំងស្រុង ជាភាសាខ្មែរ ដោយវាគ្មិនដែល ទទួលបាន ភាពជោគជ័យ លើអាជីវកម្ម ហើយ ពួកគាត់និងពាំនាំនូវប្រធានបទ ដ៏មានអត្ថប្រយោជន៍ សំរាប់សិក្ខាកាម យកទៅអនុវត្ត ក្នុងអាជីវកម្មរបស់ពួកគេ។
សិក្ខាកាមនឹងបានសិក្សាពីរបៀបកំណត់ និងដោះស្រាយបញ្ហាសង្គម ឬបរិស្ថាន ដែលប៉ះពាល់ ដល់សហគមន៍របស់ពួកគេ សិក្សាពីរបៀប បង្កើតនូវដំណោះ ស្រាយប្រកប ដោយប្រសិទ្ធភាព អភិវឌ្ឍកែ លម្អសំណើ គម្រោង និង គំរូអាជីវកម្ម មួយរឹងមាំ ប្រកបដោយ លក្ខណៈច្នៃប្រឌិត កសាងផែនការ ហិរញ្ញវត្ថុប្រកបដោយ និរន្តរភាព បង្កើតចក្ខុវិស័យ បំផុសគំនិត និងបេសកកម្ម ធានាបាននូវភាព វិជ្ជមាន ផលប៉ះពាល់ ដែលអាចកើនឡើង ហើយជាចុងក្រោយក្រុម ពិភាក្សានឹងធ្វើបណ្តាក់ ទុនដេញថ្លៃគម្រោង ដើម្បីក្លាយជាអ្នកវិនិយោគ និងសហគ្រិនពិតប្រាកដមួយ។
គំនិតផ្តួចផ្តើមជុំទីមួយ ត្រូវបានធ្វើឡើងនៅខេត្តសៀមរាបចាប់ពីថ្ងៃទី3-5 ខែកក្កដា ដែលបាន កំណត់គោល គំនិតចាប់ផ្ដើម 3 ធំៗ។
ក្រុម Cam Bamboo បានឈ្នះការប្រកួតប្រជែងដោយសារគំនិតច្នៃប្រឌិតថ្មីរបស់ខ្លួន ក្នុងការ ផលិតចង្កឹះឫស្សីដែលផលិតឡើង ពីឫស្សីនៅក្នុង សហគមន៍របស់ពួកគេ។ ណារុន បញ្ញាវឌ្ឍ មកពីក្រុម Cam Bamboo បានឲ្យដឹងថា «អាជីវកម្មរបស់ យើងផ្តោតសំខាន់លើ ការប្រើប្រាស់ឫស្សីនៅ កម្ពុជាជាវត្ថុធាតុ ដើមសម្រាប់បង្កើតជា ផលិតផលជាច្រើនមុខ។ ចង្កឹះគឺជាផលិតផល ដែលយើងចង់ ចាប់ផ្តើមផលិតមុនគេ។ យើងឃើញថា វាមានតម្រូវការ ប្រចាំថ្ងៃខ្ពស់បំផុតនៅ លើពិភពលោក ពិសេស នៅបណ្ដា ប្រទេសក្នុងតំបន់អាស៊ី។ តម្លៃស្នូលនៅក្នុង អាជីវកម្មរបស់យើង គឺផ្តល់ការងារដល់ ប្រជាពលរដ្ឋនៅ ក្នុងសហគមន៍របស់ យើងតាមរយៈការ លើកទឹកចិត្ត ឱ្យពួកគាត់ ដាំឫស្សីនៅលើដីដែលពួក គាត់មាន។»
សម្រាប់ជុំបន្ទាប់នៅខេត្តព្រះសីហនុ វាគ្មិនកិត្តិយសចូលរួមមានដូចជា លោក ហាវ គង់ងី នាយក ប្រតិបត្តិនៃ My Dream Home លោក សុភមង្គល នាយកប្រតិបត្តិនៃ Codeingate និងលោក ឆាំ សិលា នាយកប្រតិបត្តិនៃ The Duck Soup and Eco-Trails Cambodia ជាដើម។
សម្រាប់ព័ត៌មានបន្ថែមសិក្ខាសាលាសហគ្រាសសង្គម និងព្រឹត្តិការណ៍ថ្មីៗ សូមចូលទៅកាន់ phnompenh.impacthub.net
បញ្ចូលអត្ថបទដោយ ម៉ា
ខ្មែរឡួត
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]