ភ្នំពេញ៖ ប្រិយមិត្ត ដែលបានទស្សនារឿងកំប្លែងថៃ "I Fine Thank you love you" ប្រហែលជា បានស្គាល់ហើយ ពីតួប្រុស គឺលោក Sunny ដែលនាពេលបច្ចុប្បន្ននេះ រូបគាត់ ទទួលបានប្រជាប្រិយភាពយ៉ាងខ្លាំង។ ហើយកាលពីយប់មិញនេះដែរ លោក Sunny និង តារាស្រី នាង Violette បានមានវត្តមាន នៅរោងភាពយន្ត Platinum Cineplex ផ្សារទំនើបសូរិយា ក្នុងកម្មវិធីជំនួបតារាក្នុងរឿងថ្មីរបស់ពួកគេ គឺរឿង "Heart Attack" ។
ជាមួយគ្នានោះដែរ អ្នកគាំទ្រជាច្រើននាក់ ទាំងប្រុសនិងស្រី បានចូលរួម និងហ៊ោរកញ្ចៀវយ៉ាងខ្លាំង ពេលឃើញវត្តមាន តារាសម្តែងទាំង២នាក់ ហើយពួកគេថែមទាំងបានហត្ថលេខា ពីតារាក្នុងដួងចិត្តរបស់ពួកគេផងដែរ។
ដោយឃើញ ការចួលរួមយ៉ាងច្រើន ពីអ្នកគាំទ្របានធ្វើឲ្យ លោក Sunny និង នាង Violette រំភើបយ៉ាងខ្លាំង ហើយពួកគេ ថែមទាំងប្រាប់ឲ្យដឹងថា ពួកគេពិតជាសប្បាយចិត្តខ្លាំង ព្រោះមិននឹកស្មានថាមានអ្នកគាំទ្រកម្ពុជា ស្រឡាញ់ រាប់អាន និងគាំទ្រដល់ពួកគេច្រើន ដល់ថ្នាក់នេះនោះទេ។ ហើយពួកគេ ក៏បានសំណូមពរផងដែរថា សូមឲ្យបងប្អូនខ្មែរ អញ្ចើញចូលទស្សនារឿងថ្មីនេះ ឲ្យច្រើនកុះករផង ព្រោះពួកគេ ខិតខំសម្តែងយ៉ាងអស់ពីសមត្ថភាព ដើម្បីអ្នកគាំទ្រទាំងអស់គ្នា។
ចំពោះរឿង "Heart Attack" នឹងចាប់ផ្តើម ចាក់បញ្ជាំងជាផ្លូវការ ក្នុងថ្ងៃនេះតែម្តង គ្រប់បណ្តារោងភាព យន្តនានា ផងដែរ៕
ដោយ៖ កា
ខ្មែរឡូត
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
