ខេត្តកែប ៖ សេចក្តីរាយការណ៍បានឱ្យដឹងថា ស្ត្រីម្នាក់ត្រូវចរន្តអគ្គិសនីឆក់ស្លាប់ ពេលចេញ ពីងូតទឹកដៃនៅសើមទាញម៉ាស៊ីន គាបសក់មក ដោតបម្រុង កៀបសក់រៀបចំ ខ្លួនទៅវត្ត។
ហេតុការណ៍នេះបានបង្កឱ្យមានការភ្ញាក់ផ្អើលកាលពីវេលាម៉ោង៧ និង២០នាទី ថ្ងៃទី៧ តុលា នេះនៅចំណុចខាងកើតផ្សារពងទឹក ភូមិអូរដូង ឃុំពងទឹក ស្រុកដំណាក់ចង្អើរ ខេត្តកែប។
ស្ត្រីរងគ្រោះមានឈ្មោះលែន ទ្រី អាយុ២៥ឆ្នាំ មានប្តីជាអាណិកជនរស់នៅឯបរទេស។
ក្រោយកើតហេតុភ្លាមៗក្រុមគ្រួសារបានហៅប៉េអឹមស្រុកដំណាក់ចង្អើរមកពិនិត្យ និងដឹក ទៅសង្គ្រោះ នៅមន្ទីរពេទ្យដែរ តែពេលទៅ ដល់ពេទ្យប្រាប់ថា នាងស្លាប់បាត់ហើយ ក៏ដឹកមកលំនៅ ឋានវិញរៀបចំធ្វើ បុណ្យតាមប្រពៃណី។
ប្រភពពីសាច់ញាតិបានឱ្យដឹងថា មុនពេលកើតហេតុនារីរងគ្រោះចូលងូតទឹករៀបចំខ្លួន បម្រុងទៅវត្ត ដោយបានយកម៉ាស៊ីន គាបសក់មកគាប ស្រាប់តែឆ្លងចរន្តអគ្គិសនី ឆក់ស្លាប់តែម្តង៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]