ហេតុតែចង់ធ្វើបុណ្យរួមគ្នា ជាមួួយកូន ឆយីសុខចិត្តពិបាក ដាក់កូនផ្អឹប លើដើមទ្រូងនាង

ភ្នំពេញ៖ ដូចជាប្រិយមិត្ត បានដឹងរូចមកហើយ ថាតារាខ្មែរភាគច្រើន សង្វាតទៅធ្វើបុណ្យ ក្នុងពិធីភ្ជុំបិណ្ឌ ទោះបីការងារសិល្បៈពួកគេរវល់ប៉ុណ្ណាក៏ដោយ។ ហើយក្នុងនោះដែរ តារាស្រីស៊ិចស៊ី ឆយី ក៏បានឆ្លៀតទៅវត្ត ជាមួយនឹងកូនស្រីតូចសំណព្វរបស់នាងផងដែរ។

យោងតាមគណនីហ្វេសប៊ុក របស់តារាស្រីរូបនេះ បានបង្ហោះរូបជាច្រើនសន្លឹក ​ ដែលនាង បានទៅធ្វើបុណ្យ នៅវត្តអារ៉ាម ជាមួយនឹងកូនស្រីតូច ដែលទើបតែកើតបានប៉ុន្មានខែ តែប៉ុណ្ណោះ។ បើក្រឡកមើលរូបថតរបស់ អ្នកនាង ឆយី គឺនាង បានដាក់កូនផ្អឹបជាប់ ដើមទ្រូងតែម្តង ដែលមើលហាក់ដូចជាពិបាកសម្រាប់រូបនាងបន្តិច តែនាងនៅតែ ព្យាយាមយកកូន ទៅធ្វើបុណ្យ សាងកុសលរួមគ្នា។

ជាមួយគ្នានោះដែរ មានមតិជាច្រើន​ ក្នងបណ្តាញសង្គមហ្វេសប៊ុក បានសរសើរដល់ រូបនាងថា ទោះបីជានាងនឿយហត់ លំបាកដាក់កូនបែបនេះ យកទៅវត្ត ក៏នាងមិនត្អូញត្អែរអ្វីនោះដែរ៕

អ្នកនាង ឆយី ដាក់កូន ផ្អឹបជាប់ដើមទ្រូងនាង

ប្រភព ហ្វេសប៊ុក

ដោយ៖ កា

ខ្មែរឡូត