ខេត្តសៀមរាប ៖ តាមប្រភពព័ត៌មាន ជំហានដំបូងបានឱ្យដឹងថា សពបុរសម្នាក់ត្រូវគេប្រទះ ឃើញដេកស្លាប់ដោយ មានស្នាម អារ.កនៅក្នុងដីឡូត៍ជា តារាងបាល់ទះមួយកន្លែង តាមផ្លូវ៦០ម៉ែត្រ ស្ថិតក្នុងភូមិព្រៃគុយ សង្កាត់អំបិល ក្រុងសៀមរាប បង្កឱ្យមានការភ្ញាក់ផ្អើលកាលពី វេលាម៉ោងប្រហែងជិត៦ព្រឹក ថ្ងៃទី៥ តុលា នេះ។
សពមានអាយុប្រហែលជាង២០ឆ្នាំ មានសាក់លើខ្លួន ហើយនៅក្បែរសពគេឃើញម៉ូតូមួយគ្រឿងម៉ាកឌ្រីម ពណ៌ខ្មៅ ស៊េរី២០០៤ ពាក់ស្លាកលេខសៀមរាប១B០៤២៩ កាបូបលុយ១ ទូរស័ព្ទដៃ១ មួកការពារសុវត្ថិភាពពណ៌ស១ និងស្បែកជើងមួយគូ។
ប្រភពពីសមត្ថកិច្ចបានប្រាប់ថា ករណីឃាតកម្មដោយមិនយកទ្រព្យសម្បត្តិនេះ អាចជាករណីគំនុំគិតទុកជាមុន ហើយក្រុមអ្នកដែលហ៊ានលើកដៃសម្លាប់ជនរងគ្រោះមានគ្នាមិនក្រោមពី៣ទៅ៤នាក់ទេទើបធ្វើសកម្មភាពនេះបាន។
សមត្ថកិច្ចបន្តថា ជនរងគ្រោះនៅមិនទាន់ស្គាល់អត្តសញ្ញាណទេ ហើយអ្នកដែលទៅចោមរោមមើលក៏មិនស្គាល់សពដែរ។
បច្ចុប្បន្នសមត្ថកិច្ចជំនាញ កំពុងដុតដៃដុតជើងសហការគ្នា ស្វែងរកចាប់ជនសង្ស័យ មកផ្តន្ទាទោសឱ្យខាងតែបាន ចំណែកសពជនរងគ្រោះ សមត្ថកិច្ចកំពុងស្រាវជ្រាវរកក្រុមគ្រួសារ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]