ខេត្តប៉ៃលិន ៖ នាងក្រមុំម្នាក់បានលេបថ្នាំ ប៉ារ៉ាអស់ជិត៥០គ្រាប់ប៉ងធ្វើអត្តឃាត ដោយសារតូចចិត្តជំពាក់លុយគេ១លាន៥សែនរៀល សុំសងរំលោះក្នុងមួយខែ៥០ម៉ឺនរៀល គេមិនព្រម ទើបនាងគិតអ្វីមិនចេញ ទាញយកថ្នាំប៉ារ៉ាមកសង្ងំលេបនៅក្នុងបន្ទប់ តែសំណាងល្អត្រូវបានមិត្តភក្តិស្នាក់នៅជាមួយដឹកតាមម៉ូតូយក ទៅសង្គ្រោះបន្ទាន់នៅមន្ទីរពេទ្យបង្អែកឃុំស្ទឹងកាច់។ ប៉ុន្តែសភាពធ្ងន់ធ្ងរពេកក៏បញ្ជូនបន្តទៅមន្ទីរពេទ្យខេត្ត កាលពីវេលាម៉ោង២រសៀលថ្ងៃទី៣១ កក្កដា ២០១២ នៅក្នុងបន្ទប់ផ្ទះជួលស្ថិតក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ។
ប្រភពព័ត៌មានបានឱ្យដឹងថា នារីរងគ្រោះឈ្មោះចាន់ ធា អាយុ១៨ឆ្នាំ ជាបុគ្គលិកកាស៊ីណូនៅភូមិខាងលើ មានស្រុកកំណើតនៅភូមិចំឡងគួយ ឃុំអូររំចេក ស្រុកសំឡូត ខេត្តបាត់ដំបង ។ ប្រភពបន្តទៀតថា នាងក្រមុំរងគ្រោះជាកូនច្បង ក្នុងគ្រួសារមានបងប្អូន៦នាក់ ប្រុស៣នាក់ ឪពុកឈ្មោះចាន់ ជា អាយុ៤៣ឆ្នាំ និងម្តាយឈ្មោះឡាច ថុន អាយុ៣៩ឆ្នាំ ។ មុនថ្ងៃកើតហេតុនារីរងគ្រោះបានប្រាប់មិត្តភក្តិរួមការងារជា មួយគ្នាថា នាងពិបាកចិត្តខ្លាំងណាស់ ដោយសារក្រុមគ្រួសារនាងបានទិញដី និងផ្ទះគេមួយកន្លែងនៅឯស្រុកកំណើតក្នុងតម្លៃ២លាន៧សែនរៀល ។ ដោយនាងធ្វើការបានលុយយកទៅបង់សងរំលោះឱ្យម្ចាស់គេរួចអស់ មួយចំនួនហើយនៅសល់តែចំនួន១លាន៥សែនរៀលប៉ុណ្ណោះ តែម្ចាស់គេទាមទារឱ្យគ្រួសារនាងបង់បង្គ្រប់នៅថ្ងៃទី២៥ កក្កដា ជាកំហិត ហើយថែមទាំងប្រាប់គ្រួសារនាងថា បើសងបណ្តាក់ម្តងបន្តិចៗដូចមុនទៀត គេមិនព្រមទទួលលុយនោះទេ គឺទុកជាអសារបង់ចំពោះលុយកាក់ទាំងប៉ុន្មានដែលបានបង់រួចកាល ពីមុនខ្លះនោះ ដូច្នេះហើយទើបនាងពិបាកចិត្តពេកក៏លេបថ្នាំតែម្តងទៅ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
