ខេត្តកំពង់ចាម ៖ បុរសម្នាក់ឈ្មោះធី អាយុ៥៥ឆ្នាំ ជាគ្រូពេទ្យពិតជាមានសំណាងខ្ពស់ណាស់ក្នុងមួយម៉ឺនគ្រោះថ្នាក់ ព្រោះតែរថយន្តដឹកគ្រឿងទេសធុនធំ១គ្រឿងមិនបានកិន ក្នុងខណៈពេលដែលជិះម៉ូតូឌ្រីមសេ១២៥ ស៊េរី២០០៧ ដួលនៅលើកំណាត់ផ្លូវជាតិលេខ៧ ហើយរថយន្តបើកចំចន្លោះកណ្តាលកង់ដែលហេតុការណ៍នេះបានកើតឡើងនៅភូមិសេនសុនជើង ឃុំស្រងែ ស្រុកព្រៃឈរ កាលពីវេលាម៉ោង៧និង៤៥នាទីយប់ថ្ងៃទី៣១ កក្កដា ២០១២។
ចំណែកគ្រោះថ្នាក់ចរាចរណ៍មួយទៀតខុសគ្នាតែ១០នាទីប៉ុណ្ណោះ ចម្ងាយប្រហែលជា៥០ម៉ែត្រ មានយុវជន២នាក់ជិះម៉ូតូម៉ាកដូចគ្នាស៊េរី២០១១ ដួលបោកក្បាលទៅនឹងថ្នល់ បណ្តាលឲ្យរងរបួសធ្ងន់ សន្លប់ម្នាក់ត្រូវបានដឹកទៅសង្គ្រោះនៅរាជធានីភ្នំពេញទាំងយប់ ។
លោកអនុសេនីយ៍ឯក សេង ណា ប្រធានការិយាល័យចរាចរនៃអធិការដ្ឋាននគរបាលស្រុកព្រៃឈរ ប្រាប់ឲ្យកោះសន្តិភាពដឹងថា ករណីគ្រោះថ្នាក់ចរាចរណ៍ទី១ លោកគ្រូពេទ្យខាងលើរស់នៅស្គន់ស្រុកជើងព្រៃ បានជិះម៉ូតូម្នាក់ឯងពាក់មួកសុវត្ថិភាពក្នុងទិសដៅពីកើតទៅលិច ក្រោមដំណក់គ្រាប់ភ្លៀងកំពុងធ្លាក់ ។ លុះពេលជិះមកដល់ត្រង់ ភូមិសេនសុនជើង ក៏រអិលដួលបណ្តាលឱ្យមនុស្សផ្លោងចេញពីម៉ូតូ ហើយរថយន្តធុនធំមកដល់ល្មម ប៉ុន្តែសំណាងល្អរថយន្តបើកចំចន្លោះកណ្តាលទៅវិញ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ផ្តល់សិទ្ធដោយ កោះសន្តិភាព
បញ្ចូលអត្ថបទ ៖ បុប្ផា កោះ
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
