កាលពីថ្ងៃទី 28 ខែកញ្ញា ឆ្នាំ2015 ក្រុមហ៊ុន Huawei ដែលជាក្រុមហ៊ុនស្មាតហ្វូន លំដាប់លេខ 3 ពិភពលោកប្រចាំប្រទេសកម្ពុជា បានសម្ពោធ មជ្ឈមណ្ឌលសេវាកម្ម របស់ខ្លួនមួយទៀត នៅក្នុង ខេត្តសៀមរាប ក្រោមការ ចូលរួមជាភ្ញៀវកិត្តិយសពី កញ្ញា មាស សុខសោភា កំពូល តារាចម្រៀងប្រចាំ ព្រះរាជាណាចក្រកម្ពុជា និងជាឯកអគ្គរាជទូតសុឆន្ទៈ ស្មាតហ្វូន Huawei ប្រចាំប្រទេសកម្ពុជា។
ការបង្កើតមជ្ឈមណ្ឌលសេវាកម្មថ្មីរបស់ Huawei ក្នុងខេត្តសៀមរាបនេះឡើង គឺដើម្បីឆ្លើយតប ទៅនឹងតម្រូវការរបស់អតិជន របស់ Huawei ដែលមានការ កើនឡើងជាលំដាប់ពី មួយឆ្នាំទៅមួយឆ្នាំ និងដើម្បីបង្ក ភាពងាយស្រួលដល់អតិថិជនក្នុង តំបន់ ដែលត្រូវការ ផ្លាស់ប្ដូរ គ្រឿងបន្លាស់ និងជួសជុលផ្នែកណាមួយ នៃទូរស័ព្ទរបស់ ពួកគាត់។ នេះបើយោងតាម លោក អែម យុទ្ធូ នាយកជាន់ខ្ពស់ផ្នែកទីផ្សារក្រុមហ៊ុន Huawei ប្រចាំកម្ពុជា។
កម្មវិធីសម្ពោធមជ្ឈមណ្ឌលសេវាកម្មរបស់ Huawei ហាងទូរស័ព្ទ KIT ធ្វើឡើងយ៉ាង ឧឡារិក ដោយមានការចូលរួមពីអ្នក ចែកចាយទូរស័ព្ទ ប្រចាំខេត្តសៀមរាប និងភ្ញៀវកិត្តិយសផ្សេងៗ ប្រមាណ 500 នាក់។ ជាពិសេស កម្មវិធីនេះក៏មានការសម្ដែង និងច្រៀងចម្រៀង ពីសំណាក់កញ្ញា មាស សុខសោភា កំពូល តារាចម្រៀងប្រចាំព្រះរាជាណាចក្រកម្ពុជា និងជាឯកអគ្គរាជ ទូតសុឆន្ទៈស្មាតហ្វូន Huawei ប្រចាំប្រទេសកម្ពុជា រហូតដល់ទៅ 05 បទ។ មិនតែប៉ុណ្ណោះ ក៏មានការចូលរួម បង្ហាញម៉ូតពីក្រុមកីឡាករ កាយវប្បកម្ម ABBA ប្រចាំខេត្តសៀបរាម និងពិធីករទើបតែរះ ពូកែវោហារ ឈៀង ដាវុធ ផងដែរ។
សូមជម្រាបជូនថា ដើម្បីអបអរសាទរវិធីសម្ពោធមជ្ឈមណ្ឌលសេវាកម្មថ្មីនេះ ក្រុមហ៊ុន Huawei ផ្ដល់ជូនប្រូម៉ូសិនពិសេសទិញ 01 ថែម 05 ជូលដល់អតិថិជន Huawei ទាំងអស់ដែលមកជាវ ទូរស័ព្ទនៅហាងទូរស័ព្ទ KIT ជាប់ពីថ្ងៃទី28 កញ្ញា ឆ្នាំ 2015 ដល់ថ្ងៃទី 10 ខែតុលា ឆ្នាំ 2015។
ប្រសិនបើអតិជនរបស់ក្រុមហ៊ុន Huawei ប្រចាំខេត្តសៀមរាប និងនៅតំបន់ជិតៗ នោះមានបញ្ហា ទាក់ទងទៅនឹងស្មាតហ្វូន Huawei របស់ខ្លួន សូមអញ្ជើញមក កាន់មជ្ឈមណ្ឌល សេវាកម្មរបស់ Huawei ដែលមានទីតាំងនៅ ហាងទូរស័ព្ទ KIT តាមបណ្ដោយផ្លូវ ជាតិលេខ 6 ភូមិចុងកៅស៊ូ សង្កាត់ស្លរក្រាម ក្រុងសៀមរាប ខេត្តសៀមរាប ឬទូរស័ព្ទមកលេខ 012 215 167/098 215 167។
អំពីក្រុមហ៊ុន Huawei
គិតមកត្រឹមចុងឆ្នាំ2013 ផលិតផល និងសេវាកម្មរបស់ក្រុមហ៊ុន Huawei ត្រូវបានចែកចាយ ទៅដល់ជាង 170 ប្រទេស បម្រើឲ្យអតិថិជន ច្រើនជាងមួយ ភាគបីនៃចំនួន ប្រជាជនសរុប នៅលើពិភពលោក។ ក្រុមហ៊ុន Huawei ជាប់ចំណាត់ថ្នាក់ លេខបី ក្នុងនាមជាក្រុមហ៊ុន នាំចេញប្រភេទ ទូរស័ព្ទស្មាតហ្វូនធំជាងគេ ទូទាំងពិភពលោក នៅឆ្នាំ 2014។ ក្រុមហ៊ុន Huawei មានមជ្ឈមណ្ឌល ស្រាវជ្រាវ និងអភិវឌ្ឍ(R & D) 16 កន្លែងនៅជុំវិញ ពិភពលោក ដូចជា សហរដ្ឋអាមេរិក អាល្លឺម៉ង់ ស៊ុយអែត រុស្ស៊ី ឥណ្ឌា និងចិន។ ក្រុមហ៊ុនមួយ ក្នុងចំណោម ក្រុមហ៊ុនអាជីវកម្មបីរបស់ Huawei គឺ អាជីវកម្មសម្រាប់អតិថិជន ទទួលចែកចាយ នូវផលិតផលនានា រួមមាន ស្មាតហ្វូន ឧបករណ៍អ៊ីនធើណេតចល័ត (MBB) ឧបករណ៍អ៊ីនធើណេត តាមផ្ទះ និងសេវាកម្ម Clould ។ ជាមួយបទពិសោធន៍ អាជីវកម្មដ៏លើសលប់ ផ្នែកបច្ចេកវិទ្យាព័ត៌មាន និងទូរគមនាគមន៍ (ICT) អស់រយៈពេលជាង 20ឆ្នាំ ជាបណ្តាញសកលដ៏ទូលំទូលាយ ប្រតិបត្ដិការ អាជីវកម្មលំដាប់ពិភពលោក ព្រមទាំង ជាដៃគូដ៏មាន បទពិសោធន៍ ក្នុងវិស័យ ទូរគមនាគមន៍ ក្រុមហ៊ុន Huawei បានបង្កើត បណ្តាញ ប្រតិបត្តិការសកលមួយ រួមជាមួយដៃ គូការងារដែល ពោរពេញដោយសមត្ថភាព។ ក្រុមហ៊ុន Huawei បានប្តេជ្ញាពាំនាំ យកបច្ចេកវិទ្យាចុងក្រោយ បំផុតជូនដល់ អតិថិជន ផ្តល់ជូនពិភពលោកនូវ លទ្ធភាពនានា និងការបង្កើតបទ ពិសោធន៍ដ៏អស្ចារ្យ សម្រាប់អ្នកប្រើប្រាស់ គ្រប់ទីកន្លែង៕
ព័ត៌មានបន្ថែម៖
https://www.facebook.com/HuaweiDeviceCambodia
បញ្ចូលអត្ថបទដោយ ម៉ា
ខ្មែរឡូត
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]