រាជធានីភ្នំពេញ ៖ ស្ត្រីម្នាក់រងរបួសធ្ងន់ ខណៈកំពុងរុញរទេះលក់កាហ្វេត្រូវម៉ូតូម៉ាកយ៉ាម៉ាហា ពណ៌ស បុកពីក្រោយខ្ទាតទៅចិញ្ចើមផ្លូវជ្រុះរបស់របរលើរទេះកំពប់បែក ខ្ចាត់ខ្ចាយពេញផ្លូវ កាលពីវេលាម៉ោង៨និង៥នាទីព្រឹកថ្ងៃទី៣០ កក្កដានៅចំណុចផ្លូវជាតិលេខ៥ ភូមិសាមគ្គី សង្កាត់ឫស្សីកែវ ខណ្ឌឫស្សីកែវ ។
ជនរងគ្រោះខាងលើឈ្មោះ ង្វៀង ធីកាអ៊ួន អាយុ៣៧ឆ្នាំ អ្នករុញរទេះលក់កាហ្វេ ស្នាក់នៅផ្ទះជួលភូមិសាមគ្គី សង្កាត់ឫស្សីកែវ ខណ្ឌឫស្សីកែវ ។ ចំណែកអ្នកបើកម៉ូតូឈ្មោះ ញ៉ែម នី ភេទប្រុស អាយុ២១ឆ្នាំ រស់នៅភូមិតាពយ ឃុំ សំបូរ ស្រុកបាធាយ ខេត្តកំពង់ចាម ។
ប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុឃើញស្ត្រីខាងលើរុញរទេះលក់កាហ្វេតាមផ្លូវ ជាតិលេខ៥ ពីត្បូងទៅជើង ស្របទិសគ្នាជាមួយម៉ូតូយ៉ាម៉ាហា ពណ៌ស ខណៈមកដល់ចំណុចខាងលើស្រាប់តែម៉ូតូជិះទៅបុកអ្នករុញរទេះ លក់កាហ្វេពីក្រោយពេញទំហឹង បណ្តាលឱ្យរទេះខ្ទាតទៅចិញ្ចើមផ្លូវបាក់ដំបូល និងជ្រុះរបស់របរនៅលើរទេះកំពប់បែកខ្ចាត់ខ្ចាយ ធ្វើឱ្យស្ត្រីអ្នករុញរទេះរងរបួសធ្ងន់ ចំណែកអ្នកបើកម៉ូតូមិនមានរងរបួសទេ ។
ក្រោយពេលកើតហេតុស្ត្រីរងគ្រោះត្រូវបានដឹកតាម ម៉ូតូទៅកាន់មន្ទីរពេទ្យ ចំណែករទេះលក់កាហ្វេ និងម៉ូតូត្រូវសមត្ថកិច្ចយកទៅដោះស្រាយនៅប៉ុស្តិ៍រដ្ឋបាល ឫស្សីកែវ ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
