រាជធានីភ្នំពេញ ៖ រថយន្តហាយប្រ៊ីតពណ៌ស្ករមួយគ្រឿង បើកដោយយុវជនម្នាក់ក្នុងល្បឿនលឿនបានប្រដេញគ្នាជាមួយរថយន្ត កាមរីបាឡែន ពណ៌ទឹកប្រាក់ មួយគ្រឿងទៀតក៏ជ្រុលទៅបុករថយន្តកូរ៉េ ពណ៌ស បណ្តាលឱ្យខ្ទេចមួយកំណាត់មុខ ឯរថយន្តហាយប្រ៊ីតរងការខូចខាត និងក្រពឹតមួយចំហៀងខាងស្តាំ តែសំណាងល្អមិនបណ្តាលឱ្យនរណាម្នាក់រងរបួសទេ ។ គ្រោះថ្នាក់ចរាចរណ៍នេះកើតឡើងកាលពីវេលាម៉ោង១០និង៣៥នាទីព្រឹក ថ្ងៃទី៣១ កក្កដា ២០១២ ចំណុចមុខវត្តសំរោងអណ្តែត តាមបណ្តោយផ្លូវភ្នំពេញ-ហាណូយ សង្កាត់ភ្នំពេញថ្មី ខណ្ឌសែនសុខ ។
អ្នកបើករថយន្តកូរ៉េ ឈ្មោះកែវ សំអៀត អាយុ៣១ឆ្នាំ ស្នាក់នៅភូមិក្បាលដំរី សង្កាត់កាកាប ខណ្ឌពោធិ៍សែនជ័យ ។ ចំណែកយុវជនបើករថយន្តហាយប្រ៊ីត ឈ្មោះរ័ត្ន មុន្នី អាយុ១៩ឆ្នាំ ជានិស្សិត ស្នាក់នៅសង្កាត់ទឹកល្អក់ទី២ ខណ្ឌទួលគោក ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
