លួចកូនគេយកទៅធ្វើកូនខ្លួនឯង ត្រូវតុលាការកាត់ទោសដាក់ពន្ធនាគារ ១២ឆ្នាំ

ស្រ្តីម្នាក់ដែលបាន លួចទារកដែលទើបនឹងកើតពីមន្ទីរពេទ្យមួយក្នុងទីក្រុង New York កាលពីជាង ២ទសវត្សមុន ត្រូវបាន កាត់ទោសដាក់ពន្ធធនាគារចំនួន ១២ឆ្នាំ​។

Ann Pettway  វ័យ ៥៥ឆ្នាំ ដែលបានទទួលកំហុសកាលពី ខែកុម្ភៈអំពីករណីចាប់ជំរិតក្មេង បានរៀបរាប់ថា ថ្ងៃមួយនាឆ្នាំ ១៩៨៧ នាងបានជិះរថភ្លើងពី រដ្ឋ Connecticut ទៅកាន់មន្ទីរពេទ្យមួយ  ជាកន្លែងដែលនាងបន្លំខ្លួនជា គិលានុប្បដ្ឋយិកា លួចយក​ ទារកដែលត្រូវបានយកទៅបន្ទប់សង្រ្គោះបន្ទាន់ដោយសារជំងឺ គ្រុនក្តៅ។

Pettway បានធ្វើការសុំទោស ដោយនិយាយថា នាងពិតជាសោកស្តាយខ្លាំងណាស់ ពីអ្វីដែលនាងបានធ្វើ និង សុំការអភ័យទោស ចំពោះកំហុសរបស់នាង។

Carl Tyson ដែលជា ឪពុកបង្កើតរបស់ទារកដែលបាត់បាននិយាយទៅកាន់ Pettway ថា អ្នកធ្វើអោយយើងឈឺចាប់ ជាទីបំផុត។

Joy White ដែលត្រូវជាម្តាយ បាននិយាយថា កូនស្រីគាត់ត្រូវបានរកឃើញ ក៏ប៉ុន្តែ គាត់មិនអាចកែប្រែអារម្មណ៍របស់ នាងបានទេ។ នាងបាន ចាត់ទុក​ Pettway ដូចជាម្តាយបង្កើតរបស់នាង។

ការជួបជុំគ្រូសារឡើងវិញរបស់ ទារកដែលបានបាត់

ដោយ នីតា