រាជធានីភ្នំពេញ ៖ បុរសម្នាក់ជិះម៉ូតូ SL ពណ៌ខ្មៅ ទៅបុករថយន្តឡង់គ្រីស្ស័របើកឆ្លងផ្លូវ បណ្តាលឱ្យដួលបាក់ជើងឆ្វេង កាលពីវេលាម៉ោង៨និង៤០នាទីយប់ថ្ងៃទី៣១ កក្កដា ចំណុចស្តុបកៅដាយ តាមមហាវិថីម៉ៅសេទុងកែងផ្លូវលេខ២០៤ ក្នុងសង្កាត់ទំនប់ទឹក ខណ្ឌចំការមន ។
ប្រភពព័ត៌មានឱ្យដឹងថា ម៉ូតូ SL ពណ៌ខ្មៅ បើកដោយបុរសម្នាក់តាមមហាវិថីម៉ៅសេទុងពី ជើងទៅត្បូង។ ចំណែករថយន្តឡង់គ្រីស្ស័រ ពណ៌ខ្មៅ ជិះ២នាក់ប្តីប្រពន្ធបើកតាមផ្លូវលេខ២០៤ ពីកើតទៅលិច ឆ្លងស្តុបកៅដាយបានពាក់កណ្តាល ស្រាប់តែម៉ូតូ SL ជិះលឿនពេកចាប់ហ្វ្រាំងមិនទាន់ជ្រុលទៅបុក បណ្តាលឱ្យដួលបាក់ជើង និងបែកមាត់ ព្រមទាំងបែកកញ្ចក់មួកការពារសុវត្ថិភាពអស់ ។
ក្រោយពេលកើតហេតុអ្នកឃើញហេតុការណ៍បាន ទូរស័ព្ទហៅរថយន្តសង្គ្រោះមន្ទីរពេទ្យមិត្តភាពខ្មែរ-សូវៀតមកដឹក។ ប៉ុន្តែពេលរថយន្តសង្គ្រោះមកដល់ជនរងគ្រោះប្រកែកមិនព្រមឡើង រថយន្តទេ ខ្លាចម៉ូតូរបស់គាត់គ្មានអ្នកមើលឱ្យទាល់តែប៉ូលិសប៉ុស្តិ៍ចុះ ទៅដល់កន្លែងកើតហេតុ ហើយធានាខុសត្រូវរក្សាម៉ូតូទុកឱ្យ ទើបជនរងគ្រោះព្រមឡើងរថយន្តទៅព្យាបាលទាំងមិនអស់ចិត្ត ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
