បណ្ដុំបច្ចេកវិទ្យាចុងក្រោយ ការកម្សាន្តឥតដែនកំណត់ និងមុខងារប្រើប្រាស់ដូចទូរស័ព្ទ តាមរយៈការដាក់ស៊ីម និងហៅទូរស័ព្ទចេញបាន ដែលមានក្នុងTablet ជំនាន់ចុងក្រោយរបស់ Samsung គឺ Galaxy Tab 2 ចំនួនពីរម៉ូដែល បានមកដល់ទីផ្សារកម្ពុជាហើយកាលពីសប្ដាហ៍កន្លងទៅនេះ។ ត្រកូល Galaxy ទាំងពីរម៉ូដែលនេះ មានGalaxy Tab 2 7.0 និង10.1។
លោក ហ្គីហានលី អគ្គនាយកសាខានៃក្រុមហ៊ុន Thai Samsung Electronics ប្រចាំនៅកម្ពុជាបានលើកឡើងថា «ចំណុចខ្លាំងរបស់ Galaxy Tab2_7.0 ដែលកំពុងចរាចរលើទីផ្សារកម្ពុជាយើងនេះ គឺមិនត្រឹមតែមុខងារ Tablet ប៉ុណ្ណោះទេ ប៉ុន្តែមុខងារ Smartphone បូករួមទាំងលទ្ធភាពដាក់ស៊ីម ហៅទូរស័ព្ទចេញ ចូលក៏ត្រូវបានបំពាក់បន្ថែមដែរនេះជាបចេ្ចកវិទ្យាមានតែមួយគត់ពី Samsung ដែលមាននៅកម្ពុជា ។ បច្ចេកវិទ្យាដ៏ទំនើបអស្ចារ្យ អេក្រង់កាន់តែធំ ការកម្សាន្តកាន់តែសម្បូរបែប ផ្សារភ្ជាប់ខ្លួនជាមួយនឹង បណ្ដាញទំនាក់ទំនងសង្គមដែលមានស្រាប់ក្នុងម៉ាស៊ីន តាមរយៈ បច្ចេកវិទ្យាWi-Fi និង3Gបានគ្រប់ពេលវេលា»។
លោកហ្គីហានលី មានប្រសាសន៍បន្ថែមថា៖ «ដោយមើលឃើញពីការរីកចម្រើនទីផ្សារTablet នៅកម្ពុជា ក្រៅពីការផ្ដល់ជូននូវជម្រើសកាន់តែច្រើន បច្ចេកវិទ្យាកាន់តែអស្ចារ្យ Samsungក៏បានផ្ដល់ជូនតម្លៃកាន់តែប្រសើរ»។
លក្ខណៈសម្បត្តិរបស់Galaxy Tab 2 ទាំងពីរនោះប្រហាក់ប្រហែលគ្នាដូចជា ដំណើរការលើប្រព័ន្ធប្រតិបត្តិការAndroid Ice Cream Sandwich 4.0 ល្បឿនអង្គចងចាំប្រភេទ Dual Core ទំហំ 1GHz មានកាមេរ៉ាមុខក្រោយចំនួន 2 ខណៈដែលខាងក្រោយទំហំ 3MP អាចផ្ដិតយកទាំងរូបភាព និងសកម្មភាពបានយ៉ាងល្អ។ ក្រៅពីនេះ អតិថិជនទាំងអស់អាចរីករាយតាមរយៈ ទាញយកកម្មវិធីដែលមានក្នុង Android Market រហូតដល់ទៅជាង 60 ម៉ឺនកម្មវិធី។ ប៉ុន្តែអ្វីដែលខុសគ្នារវាងTab 2_7.0 និង 10.1 ត្រង់ថា Galaxy Tab 2_7.0 អេក្រង់ ៧ អ៊ីញ មានមុខងារហៅទូរស័ព្ទចេញចូល ដូចទូរស័ព្ទទូទៅបាន។
គួរបញ្ជាក់ថា “ កាលពីឆ្នាំ2011កន្លងទៅថ្មីៗនេះ Samsung បានក្តាប់ចំណែកទីផ្សារលេខ 1 ស្ទួនលើបច្ចេកវិទ្យា ទូរទស្សន៏(6ឆ្នាំជាប់ៗគ្នា) និងទូរស័ព្ទSmartphone (ក្នុងឆ្នាំ2011)លើពិភពលោកជាពិសេសនៅកម្ពុជា Samsung Smartphone ទទួលបានចំណាត់ថ្នាក់លេខ1តាំងពីខែមិនានិងលេខ1ចំពោះទូរទស្សន៏ Plasma, Smart TV, LED TV នៅកម្ពុជានេះបើយោងតាមតួរលេខស្រាវជ្រាវពី GFK”។យោងតាមតួរលេខ ដែលបានចេញផ្សាយក្នុងប្រព័ន្ឋផ្សព្វផ្សាយថ្មីៗនេះ ក្រុមហ៊ុនទទួលបានប្រាក់ចំណេញ ប្រចាំត្រីមាសខ្ពស់បំផុតរហូតដល់ 5.6 ពាន់លានដុល្លាដែលជាក្រុមហ៊ុន អេឡិចត្រូនិកឈានមុខគេលើ ពិភពលោកដែលខ្លាំង។
Khmerload
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]