ពិធីការិនី ភា បុទុមរស្មី ឬ VJ រស្មី កូនផ្កាយ៣ លួចភ្ជាប់ពាក្យស្ងាត់ៗ

ភ្នំពេញ៖ កាលពីពេលថ្មីៗនេះ មានលេចលឺដំណឹងថា ពិធីការិនី ដែលមានឪពុក តំណែងផ្កាយ៣​ និងសោយសុខ លើគំនរទ្រព្យស្តុកស្តម្ភ កញ្ញា  ភា បុទុមរស្មី ឬគ្រប់គ្នា ស្គាល់ថា Vj រស្មី បានលួចភ្ជាប់ពាក្យស្ងាត់ៗហើយ។

កញ្ញា ភា បុទុមរស្មី ឬ Vj រស្មី

វាជារឿង ដ៏គួរឲ្យសោកស្តាយ ចំពោះបុរសៗ ដោយសារតែ ពិធីការិនីដ៏ស្រស់ស្អាត និងគួរឲ្យស្រឡាញ់ កញ្ញា ភា បុទុមរស្មី (Vj រស្មី) បានសំរេចចិត្តភ្ជាប់ពាក្យ ជ្រើសរើសយកគូ ឃុំគ្រងអនាគត របស់ខ្លួនហើយ។ 

បើតាមប្រភពព័ត៌មានច្បាស់ការណ៍ បានបង្ហើបអោយដឹងថា អនាគតស្វាមី របស់ Vj រស្មី គឺជាអ្នកជំនួញម្នាក់ មានអាយុ ខ្ទង់២០ឆ្នាំក្រាស់ ដែលមើលទៅ អ្នកទាំងពីរ ហាក់ស្រឡាញ់ពេញចិត្តគ្នា ទាំងសងខាង ដោយមិនមាន ការបង្ខិតបង្ខំ ពីចាស់ទុំ ខាងណាឡើយ។

ប្រភពច្បាស់ការណ៍នោះ បានឲ្យដឹងទៀតថា ពិធីភ្ជាប់ពាក្យ របស់ពិធីការិនីរូបនេះ បានធ្វើឡើង ជាលក្ខណៈសាមញ្ញ ដោយមានការជួបជុំ តែគ្រួសារទាំង សងខាងប៉ុណ្ណោះ ហើយគេក៏មិនបានឃើញ មានវត្តមានតារារូបណា ទៅចូលរួមនោះទេ វាហាក់ដូចជា នាងមិនចង់ឲ្យ មានភាពល្បី សុះសាយអំពីរឿងនេះ អីចឹង។ មិនតែប៉ុណ្ណោះ ពួកគេមានគម្រោង នឹងចូលរោងការ នៅចុងឆ្នាំ ឆាប់ៗនេះ​ ទៀតផង។

តែទោះជាយ៉ាងណា ខ្មែរឡូត មិនអាចទាក់ទង សុំការបំភ្លឺ ពីសំណាក់សាមីខ្លួន ទាំងសងខាងបានទេ ប៉ុន្តែ ខ្មែរឡូត នឹងស្វាគមន៍ នូវការបកស្រាយ របស់សមីខ្លួនជានិច្ច។

គួរបញ្ជាក់ផងដែរថា Vj រស្មី ជាពិធីការិនីវ័យក្មេង មានចំណេះដឹង ប្រកបដោយ វោហាស័ព្ទ ដែលកន្លងមក តែងតែ បង្ហាញវត្តមាន ក្នុងកម្មវិធីកម្សាន្តនានា របស់ស្ថានីយ៍ទូរទស្សន៍ Mytv៕

ដោយ លូហាន

ខ្មែរឡូត