គ្រួសារមួយនៅអង់គ្លេសចិញ្ចឹមជ្រូកទុកជា សមាជិកមួយដែរ ដោយវាមានទម្ងន់ប្រហែល១៦០គីឡូក្រាម និងដេកលើសាឡុងក្នុងផ្ទះជាមួយម្ចាស់ ។កាលពី១៩ខែមុនជ្រូកនោះដែលមានឈ្មោះ«បេប»មានរូបរាងគួរឱ្យ ស្រឡាញ់ និងមានខ្នាតតូច ។ លោក ខូលីន វ៉េប បានទិញជ្រូក ពណ៌ស៊ីជម្ពូនោះតាមប្រព័ន្ធវេបសាយក្នុងតម្លៃ២៥០ផោន សម្រាប់ជារង្វាន់លើកទឹកចិត្តដល់លោកស្រីស៊ូស៊ី ប្រពន្ធរបស់ខ្លួន ។
ជ្រូកចិញ្ចឹមកម្សាន្តរបស់នាងប៉ារីស ហ៊ីលតុន និងនាងវិកតូរីយា៉ បេកខាំ មានកំពស់មិនលើសពី៣៥សង្ទីម៉ែត្រ និងទម្ងន់ប្រហែល២៨គីឡូក្រាម ប៉ុន្តែសម្រាប់ជ្រូក«បេប»មានកម្ពស់៩០សង្ទីម៉ែត្រ និងទម្ងន់ជាង១៥៨គីឡូក្រាម ហើយវានៅធំធាត់បន្តទៀត ដោយសារស៊ីសាច់ជ្រូក ចេក ស្ត្រ័រប៊ើរី និងខ្លាញ់ត្រី ។ ម្ចាស់ផ្តល់ឱ្យវាស៊ីចំណីទាំងនោះជារៀងរាល់ថ្ងៃដើម្បីជួយ ទ្រទ្រង់សន្លាក់ជើង ។
ទំហំខ្លួនរបស់«បេប»ក្នុងពេលបច្ចុប្បន្នមិន អាចចូលទៅបន្ទប់បាយ និងថែមទាំងមិនអាចឡើងលើជណ្តើរទៅដេកនៅចុងគ្រែរបស់ ម្ចាស់បានទេ ។ កន្លែងដេករបស់វាគឺនៅលើសាឡុងក្នុងបន្ទប់ទទួលភ្ញៀវ ដោយលោកខូលីនយកឈើរនាបរឹងសម្រាប់ទ្រនៅពីក្រោមសាឡុងដើម្បី ទប់ទម្ងន់របស់វា ។ លោកខូលីន បញ្ជាក់ថា«កាលពីមុនខ្ញុំធ្លាប់នាំវាទៅដើរកម្សាន្ត ព្រោះមានលិខិតអនុញ្ញាតពីក្រសួងបរិស្ថាន និងអភិវឌ្ឍន៍ជនបទ ។ បច្ចុប្បន្នកន្លែងដេករបស់វានៅបរិវេណលើសាឡុងខាងមុខទូរទស្សន៍ ក្នុងបន្ទប់ទទួលភ្ញៀវ» ៕
បញ្ចូលអត្ថបទ ៖ ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
