ភ្នំពេញ ៖ គិតមកដល់ថ្ងៃនេះ ការសម្ពោធលក់ផលិតផល ទូរស័ព្ទដៃស៊េរីចុងក្រោយ របស់ក្រុមហ៊ុនអេឡិចត្រូនិចយក្សសាមសុង ទើបតែបាន ប៉ុន្មានសប្តាហ៍ ប៉ុណ្ណោះ ប៉ុន្តែបើក្រឡេកទៅ មើលគេហទំព័រអេឡិចត្រូនិច អន្តរជាតិធំៗ វិញបានចុះផ្សាយរៀបរាប់ យ៉ាងច្រើនសន្ធឹកសន្ធាប់ អំពីមតិយោបល់ ជុំវិញការប្រើប្រាស់ ទូរស័ព្ទដៃ Galaxy Note 5។
បើនិយាយពីលក្ខណៈសម្បត្តិនៃទូរស័ព្ទដៃ Galaxy Note 5 លោកអ្នកប្រាកដជាបាន ស្គាល់ខ្លះៗរួច មកហើយ ប៉ុន្តែលោកអ្នកចង់ ដឹងដែរថា តើគេហទំព័រល្បីៗសរសេរអ្វីខ្លះ អំពី Galaxy Note 5?
គេហទំព័រ International Business Times ដែលមានទីតាំងនៅអាមេរិកបានដាក់ ចំណងជើងធំៗ ថា សាមសុង Galaxy Note 5 បានផ្តួល HTC, One M9 និង iPhone 6 Plus ជាមួយនឹងថ្មទូរស័ព្ទ ដែលប្រើបានយូរ។ សាមសុង Galaxy Note 5 អាចឲ្យអ្នកប្រើ និយាយរហូតដល់ទៅ ៩ម៉ោងនិង១១នាទី ដោយមិនបារម្ភថាថ្ម អាចអស់ពេលកំពុង និយាយទូរស័ព្ទ។
ចំណែកឯ គេហទំព័រ ZDNet ដែលផ្តោតបច្ចេកវិទ្យាថ្មី ក៏បានលើកយកនូវលក្ខណៈ ពិសេសរបស់ទូរស័ព្ទ មួយនេះ ដោយបរិយាយថា សាមសុង Galaxy Note 5 មាន លក្ខណៈពិសេស ១០យ៉ាង ដែលធ្វើឲ្យវាក្លាយ ជាទូរស័ព្ទល្អបំផុតសំរាប់អ្នកជំនួញ។ វាប្រៀបបាននឹងកុំព្យូទ័រ ដ៏តូចមួយ ដែលរឹងមាំហើយអ្នក អាចកាន់នៅក្នុងដៃ ព្រមទាំង មានកម្មវិធីល្អៗ ជាច្រើន។
ស្របពេលជាមួយគ្នានេះដែរ គេហទំព័រ CNET របស់អាមេរិក បានផ្តោតសំខាន់ ទៅលើប៊ិច S Pen ដោយរៀបរាប់ថាសាមសុង Galaxy Note 5 ជាទូរស័ព្ទដែល ល្អគ្រប់យ៉ាងទាំងអស់ ហើយជាទូរស័ព្ទតែ មួយគត់ដែលអ្នកអាចសរសេរ ដោយដៃ ព្រមទាំងមាន រូបរាងគួរឲ្យទាក់ទាញ និងរឹងមាំបំផុត ហើយអាចថត រូបភាពមាន គុណភាពខ្ពស់។
គេហទំព័រមួយនេះក៏បានរៀបរាប់បន្ថែមទៀតថា ការធ្វើពិសោធន៍របស់ DisplayMate បានបង្ហាញថា Galaxy Note 5 មានអេក្រង់ច្បាស់ ល្អបំផុតដែល គ្មានទូរស័ព្ទ អាចធ្វើដូច។ អតិថិជនតែងតែ ចង់បាននូវ ទូរស័ព្ទដែលមាន អេក្រង់ធំ ប៉ុន្តែគុណភាព របស់អេក្រង់ កាន់តែសំខាន់ជាងនេះ ទៅទៀត ដោយសារតែវាអាចឲ្យ យើងមើល អក្សរច្បាស់ រូបភាពក៏អាចមើល បានទោះបីជានៅ ក្រោមពន្លឺថ្ងៃឬក៏ ក្នុងលក្ខខណ្ឌបែប ណាក៏ដោយ។
ចំណែកឯនៅក្នុងប្រទេសកម្ពុជាវិញ គេហទំព័រនៃទស្សនាវដ្តីអេឡិចត្រូនិចបានលើក យកមុខងារ ៨យ៉ាងរបស់សាមសុង Galaxy Note 5 ដែលទូរស័ព្ទ iPhone 6 Plus មិនអាចធ្វើបាន។ លក្ខណៈពិសេសទាំង នោះរួមមាន៖
- ប៊ិក S Pen ដែលមាន មុខងារកាន់តែឆ្លាតវៃ
- មុខងារវាស់ចង្វាក់បេះដូងដែលត្រូវបានតម្លើងរួចជា ស្រេចនៅលើទូរស័ព្ទ
- មុខងារដែលអ្នកប្រើប្រាស់អាចបញ្ជូនវីដេអូរកម្រិត Full HD 1080p ពីកាម៉េរាទៅកាន់ Youtube ដោយផ្ទាល់
- បច្ចេកវិទ្យាសាកថ្មឥតប្រើខ្សែ
- Screenshot គេហទំព័របានពេញទាំងអស់តែម្តង
- Samsung Pay ដែលអាចស្កែន Credit Card បានគ្រប់ប្រភេទខុសពី Apple Pay អាចដំណើរការបានតែជាមួយនឹងឧបករណ៍ដែលមានបំពាក់បន្ទះ NFC តែប៉ុណ្ណោះ
- កញ្ចក់អេក្រង់ Quad-HD Super AMOLED របស់ Galaxy Note 5 អាចបង្ហាញរូបភាពបានក្នុងកម្រិត 1440 x 2560p
- ចុងក្រោយនោះគឺ SideSync ដែលជាមុខងារថ្មីមួយអាចឲ្យអ្នកប្រើប្រាស់ផ្លាស់ប្តូរ ទិន្នន័យទៅ វិញទៅ មករវាង ទូរស័ព្ទនិងកុំព្យូទ័រពពួក Mac និង Windows ខណៈពេល ដែលទូរស័ព្ទ iPhone ក៏អាចដំណើរការ ជាមួយបានដែរ។
កាលពីដើមខែនេះ គេក៏ឃើញជនល្បីៗជាច្រើនបានបញ្ចេញចំណាប់ អារម្មណ៍មកលើ ទូរស័ព្ទសាមសុង Note 5 ។ អ្នកសរសេរប្លុក ជនជាតិអូស្រ្តាលី Nadia Fairfax បាននិយាយតាមរយៈវីដេអូ ដែលមានចំណងជើង «A Moment of Note» ថា «ខ្ញុំពេញ ចិត្តជាមួយនិង S Pen ជាងគេ។ ខ្ញុំអាចធ្វើកំណត់ហេតុ ប្រជុំយ៉ាងសាមញ្ញ ព្រមទាំងកែ រូបភាពដោយងាយ។ ខ្ញុំក៏អាចកត់ត្រា ដោយមិនចាំបាច់បើក ទូរស័ព្ទផងដែរ។»
ខណៈពេលដែលអ្នកដឹកនាំរឿង Joseph Germani មកពីម៉ាឡេស៊ីបាននិយាយថា៖ «ក្នុងនាមជា អ្នកផលិតភាពយន្ត ខ្ញុំតែងតែ ព្យាយាមថត វីដេអូថ្មីជាច្រើន ហើយសាមសុង Galaxy Note 5 អាចឲ្យខ្ញុំថត បានវីដេអូស្អាត គ្រប់ពេលវេលា និងគ្រប់ទីកន្លែង។ »
សាមសុង Galaxy Note 5 ត្រូវសម្ពោធជាផ្លូវការនៅកម្ពុជាកាលពីថ្ងៃទី២២ សីហា កន្លងទៅនេះ។ ឥលូវអ្នកអាចស្វែងទូរស័ព្ទដ៏ ទំនើបមួយនេះ នៅក្នុងហាងទូរស័ព្ទជា ច្រើន។ តើអ្នកមានទូរស័ព្ទ សាមសុង Galaxy Note 5 នេះប្រើហើយឬនៅ?
អំពីក្រុមហ៊ុន Samsung Electronics co., Ltd
គឺជាក្រុមហ៊ុននាំមុខគេលើពិភពលោកផ្នែកបច្ចេកវិជ្ជាដោយផ្តល់លទ្ធភាព ថ្មីៗជូន មនុស្សគ្រប់រូប គ្រប់ទី កន្លែង។ តាមរយៈ ការបង្កើតថ្មី និងរបកគំហើញ ឥតឈប់ឈរ យើងកំពុងតែផ្លាស់ប្តូរ ឲ្យកាន់តែ ប្រសើរឡើងនូវពិភព ទូរទស្សន៍ ស្មាតហ្វូន កុំព្យូទ័រផ្ទាល់ខ្លួន កុំព្យូទ័រលើតុ ម៉ាស៊ីនថតរូប ឧបករណ៍ ផ្ទះបាយ ម៉ាស៊ីនថតចម្លង ប្រព័ន្ធ LTE ឧបករណ៍វេជ្ជសាស្ត្រ ឧបករណ៍ផ្សេងៗ ដោយប្រើប្រព័ន្ធ អគ្គិសនី និងប្រព័ន្ធ LED។ យើងមាន បុគ្គលិកចំនួន 307.000 នាក់ នៅទូទាំង 84 ប្រទេសដោយមាន បរិមាណលក់ប្រចាំឆ្នាំ ចំនួន 196 ពាន់លានដុល្លារ អាមេរិក។
ព័ត៌មានបន្ថែម សូមមើលគេហទំព័រ www.samsung.com និង global.samsungtomorrow.com
បញ្ចូលអត្ថបទដោយ ម៉ា
ខ្មែរឡូត
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
