ខេត្តបាត់ដំបង ៖ «ពិតជាធ្វើបុណ្យបានទោសមែន» បុរសភេទទី៣ម្នាក់បានក្លាយជាអ្នកទោស ដោយសារតែឆក់យកទូរស័ព្ទដៃកញ្ចាស់មួយគ្រឿងពីយុវជនម្នាក់ ដែលពឹងឲ្យខ្លួនជួយសម្រេចតណ្ហា ហើយមិនព្រមឲ្យលុយជាថ្នូរតាមការសន្យា។
កម្លាំងកងរាជអាវុធហត្ថក្រុងបាត់ដំបងបានឃាត់ខ្លួនបុរសភេទទី៣នេះ កាលពីយប់ថ្ងៃទី៣១ សីហា នៅចំណុចភូមិកម្មករ សង្កាត់ស្វាយប៉ោ ក្រុងបាត់ដំបង គ្រាដែលប្រទះឃើញជនសង្ស័យ និងជនរងគ្រោះបង្កការភ្ញាក់ផ្អើលនៅកន្លែងកើតហេតុ។
មន្ត្រីកងរាជអាវុធហត្ថបានឲ្យដឹងថា ជនសង្ស័យឈ្មោះតាំង វាសនា ហៅជីម អាយុ២៣ឆ្នាំ ជាបុរសភេទទី៣ រស់នៅក្នុងភូមិវត្តលៀប សង្កាត់ចំការសំរោង ក្រុងបាត់ដំបង។ រីឯយុវជនដាច់យ៉ៃដែលពឹងឲ្យបុរសភេទទី៣ជួយសម្រេចតណ្ហាហើយមិនព្រមឲ្យលុយតាមការសន្យានោះឈ្មោះសូត្រ មករា អាយុ២៤ឆ្នាំ នៅភូមិកម្មករ សង្កាត់ស្វាយប៉ោ ក្រុងបាត់ដំបង។
មន្ត្រីដដែលនិយាយថា ជនសង្ស័យត្រូវបានឃាត់ខ្លួន ពេលដែលសមត្ថកិច្ចជិះម៉ូតូល្បាតប្រទះឃើញភាគីទាំង២កំពុងដេញចាប់ប្រទាញប្រទង់គ្នា ហើយក៏នាំខ្លួនមកកាន់ទីបញ្ជាការដើម្បីសាកសួរតែម្ដងទៅ។
ជនសង្ស័យភេទទី៣ឈ្មោះតាំង វាសនា ហៅជីម បានរៀបរាប់ថា កាលពីពេលថ្មីៗកន្លងទៅនេះឈ្មោះសូត្រ មករា បានទាក់ទងឲ្យខ្លួនជួយសម្រេចតណ្ហា ដោយសន្យាថា ឲ្យលុយខ្លួនចាយ។ ប៉ុន្តែក្រោយពីខ្លួនជួយបានសម្រេចដល់គោលដៅហើយ បែរជាជននេះធ្វើឬកបែប«ដល់ត្រើយសើយគូទ» មិនព្រមឲ្យលុយខ្លួនចាយតាមការសន្យា បើទោះជាខ្លួនព្យាយាមចុចទូរស័ព្ទសួរនាំពីរឿងលុយច្រើនដងក្ដី។
បុរសភេទទី៣រូបនេះបានបន្តថា ដោយសារតែជននេះកុហកបោកប្រាស់ទើបនៅយប់កើតហេតុខ្លួនបានស្វែងរកឃើញជនកំហូចនេះកំពុងឈរនិយាយទូស័ព្ទនៅចំណុចខាងលើ ខ្លួនក៏ឆក់យកទូរស័ព្ទកញ្ចាស់នោះតែម្ដង តែចៃដន្យសមត្ថកិច្ចជិះម៉ូតូមកឃើញក៏ឃាត់ខ្លួនភ្លាមៗដែរ។
មន្ត្រីកងរាជអាវុធហត្ថបានបញ្ជាក់ដែរថា ទូរស័ព្ទដែលជនសង្ស័យឆក់យកពីឈ្មោះសូត្រ មករា នោះ ម៉ាកណូគារស៊េរីចាស់(អិនចុចពិល) ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]