រាជធានីភ្នំពេញ ៖ ចៅក្រមជំនុំជម្រះលោក ឃី ឆៃ នៅរសៀលថ្ងៃទី៣១ សីហា ២០១៥ បានប្រកាសសាលក្រមពីបទ លួចមានស្ថានទម្ងន់ទោសដោយសារមរណភាពនៃជនរងគ្រោះ និងប្រើប្រាស់អាវុធខុសច្បាប់មានជនជាប់ចោទចំនួន៤នាក់ដោយផ្តន្ទាទោសម្នាក់ៗដាក់គុក២៥ឆ្នាំ ។ ករណីរួមគ្នាវាយសម្លាប់ ជនរងគ្រោះជាយុវជនម្នាក់ កាលពីខែមេសា ឆ្នាំ២០១៤ នៅក្នុងហាងផឹកស៊ី មួយក្បែររដ្ឋសភា ។
តុលាការបានបញ្ជាក់ថា ជនជាប់ចោទទាំងនោះ រួមមាន គឺ១-ប៉ែន សំណាង ភេទប្រុស អាយុ២២ឆ្នាំ ២-សុធា រ៉ាវីត ភេទប្រុស អាយុ១៨ឆ្នាំ ៣-សុធា ដារ៉ូ ភេទប្រុស អាយុ២១ឆ្នាំ និង៤-ខៀវ ចំរើន ភេទប្រុស អាយុ១៨ឆ្នាំ ។ ជនជាប់ចោទទាំងនេះ ធ្លាប់ត្រូវបានតុលាការ កាត់ទោសម្នាក់ៗ ក្នុងសំណុំរឿងផ្សេងម្នាក់ៗ ៣សំណុំរឿង ក្នុងនោះមួយសំណុំរឿងជាប់គុក៦ឆ្នាំ រួចមកហើយ ។
តុលាការបន្តថា តែក្នុងពេលនេះចៅក្រម ប្រកាសដាក់ពន្ទនាគារម្នាក់ៗ២៥ឆ្នាំ ក្នុងសំណុំរឿងពីបទ លួចមានស្ថានទម្ងន់ទោសដោយសារ មរណភាពនៃជនរងគ្រោះ និងកាន់កាប់អាវុធខុសច្បាប់ ទុកសិទ្ធិឲ្យបណ្តឹង ឧទ្ធរណ៍តាមកំណត់ច្បាប់ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
