រាជធានីភ្នំពេញ ៖ ស្នូរផ្ទុះអាវុធមួយប្រាវបានបន្លឺឡើងនៅមុខក្លឹបរាំឌីស្កូយីហោ យ៉ាំងហ្គើលដែលមានទីតាំងនៅតាមបណ្តោយផ្លូវលេខ១៩៩ ស្ថិតក្នុងសង្កាត់ទួលស្វាយព្រៃទីមួយ ខណ្ឌចំការមន កាលពីវេលាម៉ោង៣រំលងអធ្រាត្រឈានចូលថ្ងៃទី៣០ កក្កដា ២០១២ បង្កឱ្យមានការភ័យខ្លាចយ៉ាងខ្លាំងដល់អ្នកជិតខាង និងបណ្តាលឱ្យយុវជនម្នាក់រងរបួស។
តាមប្រភពព័ត៌មាននៅកន្លែងកើតហេតុបានឱ្យដឹង ថា មុនពេលស្នូរផ្ទុះអាវុធកើតឡើង គឺមានក្រុមយុវជនដែលចូលទៅស៊ីផឹកក្នុងក្លឹបយ៉ាំងហ្គើលហើយបង្ក ជម្លោះទាស់ទែងគ្នារហូតឈានដល់ប្រើហិង្សា បណ្តាលឱ្យមានការភ្ញាក់ផ្អើលពេញក្នុងក្លឹប រហូតហៅមកខាងក្រៅក្លឹប ។ ផ្តើមចេញពីបញ្ហានេះក្រុមសន្តិសុខដែលឈរជើងយាមការពារនៅទីនោះ បានបាញ់រះឡើងលើចំនួន៣គ្រាប់ដើម្បីបំបែកហ្វូងក្រុមយុវជនដែល កំពុងទាស់ទែងគ្នានេះ ។ បន្ទាប់ពីមានស្នូរផ្ទុះកើតឡើងក្រុមយុវជននាំគ្នារត់ ប្រសាចចែកផ្លូវគ្នាបាត់អស់មួយរំពេច ។ ប៉ុន្តែគេសង្កេតឃើញមានយុវជនម្នាក់រងរបួសជើងរត់យួរជើងដល់ ផ្លូវម៉ៅសេទុងក៏ហៅរថយន្តតាក់ស៊ីទៅរកកន្លែងព្យាបាលរបួស ៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
