​រាជ​ធានី​ភ្នំពេញ ៖ ​ជន​សង្ស័យ​ជា​មុខ​សញ្ញាចោរ​​ប្លន់ និង​ឆក់​យ៉ាង​សកម្ម​ម្នាក់ ឈ្មោះ គង់​ សេង​ហាប់ អាយុ​២០​ឆ្នាំ ​មាន​​ទី​លំនៅ​​​​​នៅ​​ ភូមិ​ត្នោតជ្រំ ​សង្កាត់​បឹង​ទំពុន​ ខណ្ឌ​មាន​​ជ័យ ​ត្រូវ​​បាន​នគរ​បាល​​​ ប៉ុស្តិ័​​រដ្ឋ​បាល​ទំនប់​ទឹក ​​​​ធ្វើ​ការ​​ស្រាវ​ជា្រវ​​​ និង​ចាប់​ខ្លួន​​បាន​​ ​​កាលពី​វេលាម៉ោង​ ៣និង​៣០នាទី​​​ល្ងាច​​ថ្ងៃទី​២៧ សីហា នៅ​​ចំណុច​ ផ្លូវ​លេខ​១៨៣ ​សង្កាត់​ ទំនប់​ទឹក ខណ្ឌ​ចំការ​មន ។​

​មន្ត្រី​នគរ​បាល​​បាន​ឱ្យ​ដឹង​ថា ​​​ការ​ឈាន​ទៅ​ចាប់​​ខ្លួន​ជន​សង្ស័យ​​ខាង​លើនេះ​ ក្រោយពី​​ទទួល​ បាន​ពាក្យ​បណ្តឹង​ពី​នារី​រង​គ្រោះម្នាក់​ ​​ប្តឹងពី​​​ករណី​​​ចោរ​​​​ យក​កាំបិត​ចុង​ ស្រួច​​ភ្ជង់​ប្លន់​យក​ប្រាក់​ អស់​ចំនួន​ ១.៩០០​ដុល្លារ និង​​ទូរស័ព្ទ​ដៃ​២ កាលពី​​យប់​​ថ្ងៃទី​ ២៣ សីហា ​​នៅ​ផ្ទះ​អ៊ិន​ធើរ​ណេត​ ២៤​ម៉ោង​មួយ​កន្លែង ​​ស្ថិត​នៅ​ផ្លូវ​លេខ​ ២៧១ សង្កាត់​​ទំបន់​ទឹក ខណ្ឌ​ចំការ​មន ។

​ជន​សង្ស័យ​​ ត្រូវ​បាន​​នគរ​បាល​​​ប៉ុស្តិ៍​រដ្ឋ​បាល​ទំបន់​ទឹក ​កសាង​សំណុំ​​រឿង​​បញ្ជូន​ ទៅ​​​អធិការ​​ដ្ឋាន​ នគរ​បាល​ខណ្ឌ​​ចំការមន ដើម្បី​ចាត់​​ការ​​ បន្ត​តាម​​នីតិវិធី ៕


បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]